رسمت حسين

[سعد مطلوب]

السلام عليكم
إِيام قلائل ونستقبل محرم الحرام بثيابه السوداء ودموعه الساكبه
وان شاء الله نلتقيكم هذا العام في كربلاء الحسين (ع)
************
(( رسمت حسين ))
إِضل خادم لبو السجاد إِضل خادم ... وإِنه الهايم غرامه إِجنون إِنه الهايم
إِبسواد العين ... رسمت حسين
إِنه الهايم
************
هنا يالمُحب منّي إِخـذ نهج العشــــــــگ والوانه
اوخل ضامرك دومه يضل بحسين يحچي إِلسانه
واخـــــــدم إِبن بنت النبي اوليهمّـك العـــــــادنه
رايتنه بالعـــــــــالي علّت ترفل غدة بســــــمانه
حچي العُذال لتسمعه حچي العُذال ... عليت إِجبال مرتفعه عليت إِجبال
وسط لجبين ... رسمت حسين
إِنه الهايم
************
بينه شــكثر عاشـــــگ يمُر وسمعنه عنه هوايه
يحمـــل عـذاب إِمن اليحب يمشي ومضيّع رايه
بس اليحب ســــــــبط النبي مامثله شفنه اروايه
فوگ الارض هامه إِعتله محفوظ وجـــه إِبمايه
علّه الافلاك يتچنه علّه الافلاك ... إِلي الاملاك بالجنه إِلي الاملاك
إِبدِمه الراحين ... رسمت حسين
إِنه الهايم
************
يامن تحب ســـــيد الرُســل إِسمع نبينه إِشوصّه
گال الخِـدم مأتم حــــــزن لحسين ربنه إِشخصّه
بين البشـــر يمشي إِفخــــر ويلَبسه تاج إِموصّه
سلطان ذكره إِبكل العصر وبچفّه أعظم رخصه
تشع إِنوار من وجه تشع إِنوار ... لخِدم زوار ابو اليمه الخِدم زوار
عله الرمشين ... رسمت إِحسين
إِنه الهايم
************
حسين البـــذل روحـه لجـل نبقه إِبكرامه اوعزّه
إِبنحره إِشـــــترانه ياخلگ دمه كشف كل مغزه
لازم نظل طـول الـدهر للظالم إِحنــــــه إِنميزه
اوننصب مآتمنـــه فرض ونحسسـه إِبكل عجزه
ننادي إِبصوت يامظلوم ننادي إِبصوت ... نظل للموت خدامك نظل للموت
إِبگُفه الچفين ... رسمت حسين
إِنه الهايم
************
خل ينكتب إِســــــــــمك خَدم بكتاب إِبن الزهره
صدگني باچر بالحشـــــــــر كل الخلگ تنتظره
ونشـــــوف ابو اليمه ظهر يزهي إِبجلالت قدره
ياخـــــــذ الگام إِبمجلسه اوفوگ الصراط إِيعبره
يدون بيك مرسومه يدون بيك ... يفيض إِعليك من جوده يفيض إِعليك
إِبضوّه الخدين ... رسمت حسين
إِنه الهايم
************
بقلم / سعد مطلوب الخفاجي

[من نسل عبيدك احسبني ياحسين]

عليك السلام إيها الشاعرالحاذق في شعرة لماذا تطول غيبتك وأشعارك تتعايش مع القارئ يعني تدخل إلى الذهن مباشرة.إن شاء الله بخير إيها الموالي.وقصائدك ماشاء الله عليها

[أنصار المذبوح]

[ابوعلاء العكيلي]

طيب الله انفاسك
الله تعالى يحفظك بحق شهيد كربلاء عليه السلام

[علي حسين الخباز]

جزاك الله خيرا على هذه الخدمة الموفقة

[سهاد]

بسم الله الرحمن الرحيم

اللَهٌمَ صَل ِعَلى مُحَمْدٍ وَآل ِ مُحَمْدٍ الْطَيّبْينَ الْطَاهِرّيْنَ

السلام عليكم ورحمة الله وبركاته


اسجل حضوري هنا باالعجاب

بالمعاني بالكلمات

تحياتي لك ومع التقدير

[سعد مطلوب]

الاخت الكريمه
من نسل عبيدك احسبني ياحسين
خالص الشكر والامتنان على مشاعركم الحسينيه الطيبه
ربي يوفقنا واياكم في خدمة محمد (ص) وآل بيت محمد (ع)
اسعدني ونورني مروركم النير واطرائكم المبارك
تمنياتي لكم بالموفقيه

[سعد مطلوب]

الاخت الكريمه
انصار المذبوح
اشكركم على هذه المرور القيم نورتم الصفحه
بانواركم الولائيه تمنياتي لكم بالموفقيه

[سعد مطلوب]

الاخ الكريم
ابو علاء العكيلي
ربي يوفقك ويحفظك ويديم عليك الصحه والعافيه
نورتني وشرفتني تمنياتي لك بالموفقيه

[سعد مطلوب]

الاخت الكريمه
سهاد
اسعدني ونورني حضوركم المبارك
خالص شكري وامتناني تمنياتي لكم بالموفقيه