عله اعتاب الزمان

[ضياء الطالقاني]

شهر ذي الحجة ومحرم
عله اعتاب الزمان ملتقين
شهر ذي الحجة مغادر
والمحرم داخل بشوكَ وحنين
يكَله هنيالك يشهر الحج والافراح
وشهر اعياد كل المسلمين
باول ايامك زواج الطاهرة
الزهراء من حيدر امام المتقين
وبيك ايام العظيمة الكلها رحمة
وخير وغفران لذنوب المؤمنين
والحجيج تطوف بالكعبة الشريفة
تلبي ربها بمشهد يفجر الحنين
دعوة ابراهيم للناس اللي
احياها بنبوته المصطفى الهادي الامين
وبيك عيد الاضحى عيد التضحية
البيه يشبع الجوعان ويفَرح الحزين
واكبر الاعياد البيوم الغدير
عيد تنصيبه لامير المؤمنين
البيه دين الله اكتمل والنعمة تمّت
من امرنه نوالي حيدر,طه سيد المرسلين
ياشهر ذي الحجة ما احصيه لفضلك
للبشر رحمة من رب العالمين
جاوبه بتنهيدة من كَلبه طويلة
اييييه ياشهر المحرم يا حزين
صادق بكل الذكرته
وكله بالحق واليقين
لكن ايامي العظيمة مااستمرت
ولاظلت باقية كل هالسنين
وكان الاسلام النعرفه
حرفوه مثل الذي قبله من دين
وحته افراحي بقت افراح
مزروعة بكَلوب المسلمين
هذا كله بفضل يومك
يوم اكبر فاجعة شافتهه عين
يوم باشرف دم غسل دين الرسول
حته ينظف من ارجاس الفاسقين
واطهر الاجساد حامه عن العقيدة
كَطعوه بس سلمت من العابثين
وروح من نور الاله تنورت
تقدمت تطرد ظلام الظالمين
يومك المايوم مثله يامحرم
سيد الايام سيد عالسنين
سيد الاحزان والالام
ودموع البصيرة واليقين
لان ذبحوا بيه واحد
ماله ند بالعالمين
خاتم اصحاب الكساء
وابو تسعة طاهرين
وساكن كَلوب الاحرار
الشيخ والشاب وجنين
بنبرة التقديس اسمه اعله الشفايف
محَوط بخفكَة كَلب ودموع عين
شهر ذي الحجة ومحرم رددوا:
ياحبيبي ياحسين نور عيني ياحسين

[ابوعلاء العكيلي]

طيب الله انفاسك بارك الله فيك وجزيت خيرا

[من نسل عبيدك احسبني ياحسين]

سلام من السلام عليك شاعرناموفق بحق آل محمد

[نور العترة]

احسنت طيب الله انفاسك

[خليل علي الزبيدي]

بارك الله بكلماتكم وكتبكم من خدمة الامام الحسين عليه السلام

[أنصار المذبوح]

[ضياء الطالقاني]

الاخ ابوعلاء العكيلي بارك الله بك وشكرا

[ضياء الطالقاني]

الاخت الكريمة من نسل عبيدك احسبني:وفقك الله لكل خير

[ضياء الطالقاني]

الاخت نور العترة:احسن الله لكم وبارك بكم

[ضياء الطالقاني]

الاخ المبدع ابوامنة:الله يبارك بك ويكتبنا جميعا من خدمة الامام الحسين عليه السلام