موش اعلة الورق اكتب بحلك الحوت

[مينا المرسومي]

موش عله الورق اكتب بحلك الحوت

قصيدة وما خفت ينبلع مطلعها
كالو تنبلع كتلهم اتحداه
على عناده ارد اشوفه شلون يبلعها
انا كاتب علي باول سطر ماخاف
طلع منه يونس ما يطلعها
سهل يابو الحسن لو صعب شنسميك

حازم لو سمح لو كلها جامعها
بنفس جفك علي اتركع فتوك الثوب
علي اتشيل الزلم بالكاع تركعها
بتاريخك اشوفن خيل تردم خيل
وخبزة وجف يتيم وروس كاطعها
واجه التاريخ غيرك سكته يا مولاي
بحيث الابرة من اطيح تسمعها
انت مو بلال اليصعد عله البيت
النبي رادك علي الاذان ترفعها
شافك تحت منها امفطر الحيطان
تصعد فوكها اعله الكاع تبطحها
علي ما ترد كلك من ترد للبيت
كلك مال غيرك ما ترجعها
اكيد تبات كلك عالارامل سور
عدا ابهامك يبات بحلك رضعها
الضدك يـــا علي راس وعقب مگلوب
يرى الوديان فوك الجبل موضعها
علي بطبتك للجن ما شلعت الكاع
جا بس خيبر اعله عداك قالعها
الحجي ابيناتنا شالعها يابو حسين
بس انته علي وما كلت شالعها
رجعت الشمس لا سيدي ماكول
ربك لان ما صليت رجعها
لان جنت بصلاتك تسعد الرحمن
اشتهى نغمة دعائك راد يسمعها
شكد جفوف عدك لا تكلي ثنين
عقول الحبتك يا سيدي اقنعها
كوفة ايتام عندك وانته يا مولاي
جنت بأن واحد كلها تشبعها

[عاشقه فاطمه الزهراء]

بوركت
كلام في غاية الروعه
جزاكي الله كل خير

[ابوعلاء العكيلي]

لبيك ياحسين
طيب الله انفاسك
اللهم العن قتلة الحسين عليه السلام

[أنصار المذبوح]

[خليل علي الزبيدي]

أحسنتم وبارك الله بكم وكلمات جميلة سطرها الشاعر نهاد الخيكاني