لكربلاء الفخر

[عزيز مله هذال]

لكربلاء الفخر باحتوائها شخص كالحسين (ع) ولكم كل الفخر بان تكونوا خدام الحسين حفظكم الله وشرفكم بهذه الخدمة

[ابوعلاء العكيلي]

لبيك ياحسين
نسال الله تعالى ان يجعلنا من خدمة الحسين عليه السلام المخلصين
احسنت اخي العزيز وعظم الله لك الاجر

[سهاد]

بسم الله الرحمن الرحيم

اللَهٌمَ صَل ِعَلى مُحَمْدٍ وَآل ِ مُحَمْدٍ الْطَيّبْينَ الْطَاهِرّيْنَ

السلام عليكم ورحمة الله وبركاته


نسأل الله أن يوفقنا لنصل لهذه المراتب
جل الشكر والتقدير لروحك الطاهرة
حفظك الباري ورعاك

[عزيز مله هذال]

وحفظكم وسدد خطاكم

[أنصار المذبوح]

ياجموع الزائرين حيّوا خدام الحسين

خدمته هيّه الشرف خادمه بيهه انعرف

حيّوا خدام الحسين حيوا خدام الحسين

************

الينصب الموكب ويبذل هالجهد بخدمته يوم القيامه ينسعد

والف هنياله اليجد ويجتهد

مساهر بليل ونهار خدمته عنده شعار

رضى الرحمن الهدف خادمه بيهه انعرف

حيّوا خدام الحسين حيوا خدام الحسين

*************

لولا هالخدمه الزياره اصعب ظرف واليجي مشاي بيهه يعترف

يشوف آلآم وتعب ما ينوصف

بالمواكب أرتياح بالأياب وبالرواح

بحر جوده ما نشف خادمه بيهه انعرف

حيّوا خدام الحسين حيوا خدام الحسين

*************

يفدي روحه لليجي يم موكبه يقدم الخدمه الجليله مطلبه

تنطلق من عنده كلمة مرحبه

يرحب بهاي الجموع امن الفرح يذرف دموع

ناظره بيهه اعترف خادمه بيهه انعرف

حيّوا خدام الحسين حيوا خدام الحسين

*************

يطلّگ الدنيه بشراء الآخره يكتفي بخدمة بني خير الورى

شجرة من نور الوديعه ومثمرة

نسل حيدر والبتول وجدهم الهادي الرسول

بالكرامات انوصف خادمه بيهه انعرف

حيّوا خدام الحسين حيوا خدام الحسين

**************

فتحوا ابيوت بهدايه وبيقين ترحب بزوار مقطوع الوتين

هالعقيده شما تمر بينه سنين

تبقة خفاقه وتزيد وتلعن البايع يزيد

فاز دارينه الهتف خادمه بيهه انعرف

حيّوا خدام الحسين حيوا خدام الحسين

*************

شاعر ورادود زنجيل ودمع وهذا اليحاظر ويمه اليستَمع

وذاك بايده بحنّة القاسم شمع

يبچي من هول المصاب منه يعله الأنتحاب

منهجه الواضح عرف خادمه بيهه انعرف

حيّوا خدام الحسين حيوا خدام الحسين

*************