قصيدة / يوليدي يا عبد الله

[الشاعر سعيد الفتلاوي]

قصيدة / يوليدي يا عبد الله
......................................
.........................

يوليدي يا عبد الله
فّراگك صعب ياهو اليسد مْچانه
دمعي دمه وْروحي تون حيرانه
يوليدي يا عبد الله

..............

روحي بعدك من يِسرها – وْفرحتي ياهو اليِردها
دنيتي غابت شمسها – مْصيبتي سرمد حزنها
گلبي يا يمّه انفجع – مو بس دمه ينزف جمر شريانه

..............

ظلمه بعدك يمّه داري – بْليلي انعاك وْنهاري
دْموم دمع العين جاري – بعدك آني المن اداري
يْنوح ويّاي المهد – لجلك حزن اسود لبس ويّانه

..............

باسمك تْنادي العليله – وْتنشد عْليك العقيله
هْناك اخويه من يشيله – شْلون ياعمتي الجليله
من يسكته لو بچه – لا امي يمّه وْ عالثره وليانه

..............

بيتي ظل بْلايه والي – بس حزن والهم صفالي
بعدك ايامي ليالي – يالولد يبني يغالي
مات ويّاك الامل – مهضومه بعد اللي جره وْحزنانه

..............

لحظه ما فارگني رسمك – ريتك اتعود وْ اشمّك
بْگلبي يوليدي اضمّك – فدوه روحي تْروح لاسمك
اه يا طف كربله – عالمذبحه شاهد يظل ميدانه

..............

حرمله شْسوّيت بيّه – يا لعين الغاضريه
طفلي راويته المنيّه – ليش يا شر البريّه
بْسهمك ابني مِنذبِح – ابشع جريمه هالسهم راوانه



...............................
...................

خادم اهل البيت ( ع )
الشاعر الحسيني
سعيد الفتلاوي الطويرجاوي

[أنصار المذبوح]

اخي الفاضل وشاعرنا المبدع

بارك الله في قلمك

كلمات وسطور يسطر فيها الابداع تسطيرا

وفقك الله

وشكرا لك

[ابو قاسم الشبكي]

استاذنا الفاضل بارك الله فيك ووفقك لما يرضاه خدمة للحسين عليه السلام

[الشاعر سعيد الفتلاوي]

وفقكم الله وحماكم من كل مكروه

[ابوعلاء العكيلي]

احسنت وطيب الله انفاسك

[الشاعر سعيد الفتلاوي]

احسن الله اليك اخي ابو علاء

[من نسل عبيدك احسبني ياحسين]

سلام من السلام عليك موفق بحق آل محمد

[الشاعر سعيد الفتلاوي]

شكرا اختاه وفقك الله