قصيدة / وحشه داري ( فاطمه العليله ع )

[الشاعر سعيد الفتلاوي]

قصيدة / وحشه داري

...............................
...................

ودعتني وحشه داري بويه يحسين

دنيه دونك ظلمه صارت يا ضوه العين

..............

عليله وْ ما اليّه احد – جمرگلبي فلا يبرد

عله فْراگك حزن سرمد – الالم بعضاي ما يركَد

يبويه ارجعلي حيلي انهد – طفّي ناري يمته ترجع صبري لاوين

..............

دِموعي دْموم يالوالي – احاچي الدار عن حالي

واعاين للمهد خالي – وانشده عن اللي بّْالي

اَخيي وْ رجوت آمالي – فكري يمه اتمنه روحي تْصير نصين

..............

ليالي تْمر علَيْ صعبه - الوج بْحسرة الغربه

وْتجي بّْالي الف حسبه – تِلَوْع گليبي وِتْرهبه

تمنيتك تجي بْگربه – گلبي يصرخ دوم بسمك شاف نارين

..............

تعال انظر يبو الاكبر – غريبه الوحدي اتمرمر

كلف جرحي جمر يسعر – انا الفرگاكم اتحسر

يبو السجاد بويه احضر – سر حياتي وْكل وجودي انت يا زين

..............

اجه الناعي بْالم ينعه – عزانه اليوم للبضعه

ينادي بْحرگه وانسمعه – صرت مفزوعه منفجعه

عليّه ضاگت الوسعه – راحو اهلي وْ كل اخوتي فدوه للدين


............................

..................

خادم اهل البيت ( ع )

الشاعر الحسيني
سعيد الفتلاوي الطويرجاوي

[أنصار المذبوح]

شّڳَرًأِ لًڳً ۶ـلّى أًلّمُوٌضّوِعُ أًلٌجٌمًيّلّ وِ أِلًمُفًيِدَ

جّزَأٌڳُ أًلِلًهٌ أًلٌفً خّيًرُ عُلَى ڳَلّ مٌأً تًقٌدّمًهِ لًهَذٌأُ أَلّمًنَتًدَى

نّنِتَظِرً أِبّدًأِعّأَتًڳُ أِلُجُمٌيٌلٌة بّفُأًرَغُ أُلَصّبِرٌ

[ابوعلاء العكيلي]

طيب الله انفاسك واعظم لك الاجر

[من نسل عبيدك احسبني ياحسين]

سلام من السلام عليك موفق بحق آل محمد

[الشاعر سعيد الفتلاوي]

احسنتم وفقكم الله