قصيدة يا بدر الهواشم

[الشاعر سعيد الفتلاوي]

قصيدة / يا بدر الهواشم
...................................
......................

يا بوفاضل صرختي يا بوفاضل

مفخرة عدنان يا بدر الهواشم
شبل ابو الكلفات معروف المكارم

يا بوفاضل صرختي يا بوفاضل


...................


يا بطل مهيوب من حيدر وسامك – كربله الهليوم مفتخره ابحسامك

يا صمود حسين واعلومه ابكلامك – ماتهاب اعداك صولاتك ملاحم

...................

يا علي الكرارانت ابكل صفاته – جيش ابن سفيان ارعبته او حماته

من وگفت ابزود عالشاطي او فراته – ماشربت الماي گلبك عالفواطم

...................

روع الظلام سيفك يابو فاضل – يبن ابوالحملات شخصك من ينازل

بالحرب مغوار وبْزودك تقاتل – يالرفضت اتعيش ويه اهل المظالم

...................
حيرت عدوانك ابهاي الشجاعه – سيف ابو الحسنين مشهود ابنزاعه

بالقتال اوياك ماترهم براعه – وبْسهم غدروك من بَعد الهزايم

...................

بْمدمع الاحزان واسينه ولينه – حيدر الكرار والحره الامينه

دنيه والاكوان لمصابك حزينه – دايمه الاحزان لجْلك والمآتم

...................

عنك الاخبار من زينب توالت – امك المرضيه بچفوفك تباهت

تگلها خيل اعداك بچفوفك تهاوت – باسم ابو النوماس مقرونه العزايم

...................

گبتك مولاي هنياله الگصدها – انت عالصعبات تگضيها او تسدها

ابابك الحاجات اعجاز اليعدها – بالاريج ايفوح گبرك والنسايم



.......................................
.......................................

خادم اهل البيت ع
الشاعرالحسيني
سعيد الفتلاوي الطويرجاوي

[حسين سلطاني]

جزاك الله خيرا

[الشاعر سعيد الفتلاوي]

احسن الله اليك اخي ابو علي

[ابوعلاء العكيلي]

طيب الله انفاسك وأعظم لك الاجر

[أنصار المذبوح]

بٌأًرًڳّ أِلٌلُهً فَيٌڳّ عِلٌى أَلِمًوُضِوًعَ أٌلّقِيُمّ ۇۈۉأٌلُمِمّيِزُ

وُفّيُ أٌنِتُظٌأًرِ جّدًيًدّڳّ أِلّأَرّوّعٌ وِأًلِمًمًيِزَ

[من نسل عبيدك احسبني ياحسين]

سلام من السلام عليك موفق بحق آل محمد

[علي حسين الخباز]

رائع انت يا ملا بارك الله فيك

[الشاعر سعيد الفتلاوي]

اشكركم على هذا التواصل رحم الله امواتكم