قصيدة / افديك يحسين

[الشاعر سعيد الفتلاوي]

هديّه الى انصار وخدّام الامام الحسين
عليه الصلاة والسلام

قصيدة / افديك يحسين
..................................
..................................


بالروح بالدم افديك يحسين

هالچلمه للموت ماصارت اثنين
تْذوب اعله گبرك روحي روحي روحي
وافديها لاسمك روحي روحي روحي

وافديك يحسين


........................

اَكتب آنه العهد – بدمي لابن الاسد
نَوحي سرمد ابد – واسمي خادم
اخدم آنه الحسين - عن عقيده وْ يقين
وافدي روح الامين – واسمي خادم

كْتبتِ العهد يبن الميامين – وافديلك الروح ياغالي يازين

دوم اعله امرك روحي روحي روحي
وافديها لاسمك روحي روحي روحي

وافديك يحسين

.............................

يا امامي الشهيد – نْردد اسمك قصيد
عالمنابر نشيد - والمجالس
بْكل مدينه العزاء - تجري لاجلك دماء
الشيعه كلها فداء - والمجالس

لجلك تِنادي يمضحي للدين – تفديلك ارواح كلها الموالين

بْعمري اَفدي عمرك روحي روحي روحي
وافديها لاسمك روحي روحي روحي

وافديك يحسين

.............................

هذا شهر الحزن - والعزه بْكل مدن
گْلوب تنعه وْ تئن - وبْمُصابك
نْعزي خير العمل - ننعه وِبْلا ملل
باقي حزك ازل - وبْمُصابك

دمع الاسه ويْ عُمْرِ الِسْنين - وبْحرگه تنعاك كل المحبين

حَيرها صبرك روحي روحي روحي
وافديها لاسمك روحي روحي روحي

وافديك يحسين

.............................

حبي لاسمك جنون – قدوتي انته يجون
علمتني الفُتُون - وْذاك عابس
مَفخره للفداء - كله غيره وْ وفاء
بدمّه لبّه النداء - وْذاك عابس

بْدمه ارْتوت سوح الميادين – والعابس وْ جون تنعه المعزّين

تحب الينصرك روحي روحي روحي
وافديها لاسمك روحي روحي روحي

وافديك يحسين

.............................

ما اوِد ناصبي - الْعاده بيت النبي
سيفي بيدي وْ ابي – ما يِهِمني
مُفتي ظالم فِته - موتي كل غايته
روحي ما همّته - ما يهمني

نَبض الگلب يا گُرة العين - گلبي يِناجيك واقْسملكِ يْمين

ما اَنسه ذكرك روحي روحي روحي
وافديها لاسمك روحي روحي روحي

وافديك يحسين

.............................

صوتي واضح صريح - كعبه گبرك اصيح
هذا حق مو مديح - سر الهي
تْزوره شِيب وْ شباب - ما تهمها الصعاب
تلطم اعله المصاب - سر الهي

الْگبرك تِجي تْطوف المُسِلْمين - وبْصحنك تْصيح باسمك ملبّين

عد ربنه سرك روحي روحي روحي
وافديها لاسمك روحي روحي روحي

وافديك يحسين


..................................
..................................

خادم اهل البيت ( ع )
الشاعر الحسيني
سعيد الفتلاوي الطويرجاوي

[حسين سلطاني]

السلام عليك يا ابا عبدالله الحسين

بارك الله فيك

[الشاعر سعيد الفتلاوي]

الله يبارك بيك اخي ابو علي

[سهاد]

السلآم على الحسين ابن علي عليه السلام وعلى اولاده وعلى اصحابه
السلام على الخد التريب السلام على الشيب الخضيب السلام على الاجساد المقطعه


قصيدة بمنتهى الروعة والجمال
احسنت احسنت الله يبارك فيك

[أنصار المذبوح]

رـآق لي مآتصفحت هُنآـا
سلمت يدـآك

وأجزل عليك من عظيم عطآيآه

بـإنتظار جديدك القآـادم . . .

بآقآت ـالشكر وـآالتقدير ـاإقدمهآ لك

[من نسل عبيدك احسبني ياحسين]

سلام من السلام عليك مأجوروموفق بحق آل محمد

[ابوعلاء العكيلي]

لبيك ياحســــــــــــــــــــــــــــــــــــــين
عظم الله لنا ولكم الاجر بعاشوراء الحسين عليه السلام
احسنتم بارك الله فيكم وجزيتم خيرا

[الشاعر سعيد الفتلاوي]

بارك الله بيكم وشكرا لكم