شاركوا بأشعال الشموع للقاسم (عليه السلام )

[أنصار المذبوح]

بسم الله الرحمن الرحيم
عظم الله لكم الاجر بمصاب
القاسم عليه السلام

تعالو أحبتي وعبر منتدانا الرااااااائع
نكتب أو نشعر أو نضيء شموع لسيدنا القاسم عليه السلام
ولكم الاجر والثواب

[أنصار المذبوح]

أليكم صور من المتحف البغدادي
لصينية القاسم عليه السلام

[من نسل عبيدك احسبني ياحسين]

[رحيق الزكية]

بسم الله
اعظم الله لكم الاجر

(طلع شباب من الخيم ...)

[أنصار المذبوح]

[رحيق الزكية]

«إن تُنكروني فأنا فرعُ الحسن ** سبطِ النبي المصطفى والمؤتمن

هذا حسينٌ كأسيرِ مُرتهن ** بين أٍناس لأسُقُوا صوبَ المُزُن»

[نور العترة]

تتتتتتتتتتتتتتت

[سجاد القزويني]

[أنصار المذبوح]

خطاب رمله لولدها القاسم بن الحسن (عليه السلام)

يجـاسم يـــبني حيلي عليك دمعاي

ودلـــيلي بــالنحب والـنوح دمعاي

اشلون اصبر وانشّف سيل دمعاي

وشفـــت دمــك يسيل اعله الوطيه

[أنصار المذبوح]

وداع القاسم بن الحسن

مـــن جـمر الظلوع مـــن نـــار الدموع

يــبــني يـــجاســـم بالخيـم اعلگلك شموع

مــــن نــار الـدموع

* * *

ســـالت دمـوع العواطف من شفت رمله الغريبه

ابوسط صيــوان النـــوايب حانيه ظلوع المصيبه

تـــنـــظر لحــــوفة ولـــدها والچــــبد يسعر لهيبه

صــــاحت ومــــدمعها همل گــــلـــبي يجــــسام انوجل

ابغـــيــــبتك لو ضاع الأمل هــــالامــــل يا هو اليجيبه

عـــگــــبك يــجاسم تغـــــدرني الأيــــام

ورمــــش الجـــفــن مــا ينزرع لو شفته مگطوع

مـــن نـــار الـدموع

* * *

يبني يا غصن المحبه اللي سگيته ابفيض دمعي

اســــهرت برباك الليالي او عالمهد شديت ظلعي

چنت مـــــامونه بــوجودك، كربله غيرت وضعي

گـــلبــــي ابـوداعك ملتهب وعگـــــلي يجاسم منـسلب

واتـــعــــلمت فـــن الــنحب وصـــار طبع النوح طبعي

واحــتــرگت الروح مــن شـهگة النوح

والگــــلب ظــــل ابــحوفتــــك هـــايم ومــفـــزوع

مــــن نـــار الدموع

* * *

لا تـــضــن احــــزن يجاسم للحرب لو ردت تطلع

مثل ما درعك لبـــســته بـــالصبر گــــــلبي تدرّع

وچبدي تـتضمد جروحه لو شفت جسمك امگطع

عـــــهدك تضـــحي يا شهم والـــوفي ابـــعـــهده يلتزم

ارضعتك وفه وطيب وعزم گــــوم وفـــيــلي المـرضع

والحـــســن وصـاك تـــتـــحنه بــــدماك

ومـــنــــهــــج وصــــية والــــدك بـعيوني مطبوع

مـــن نـــار الـدموع

* * *

انشــهرت سيوف الاعادي وشبچت رماح المنيه

والحــــسن وصــــاك يـبني وبالك اتعوف الوصيه

وهذا سيف الموت بـــــيدك لاهــب ابجمر الحميه

والشـــهــم لـو طب للحرب يـــگـــلبها لــــلحومه گلب

گـوم ازرع ابســيفك رعب واحـــصـد رگـــاب آل اميه

بــــيـــك العـزم لاح گــوم اقبض ارواح

وگـــــلـــبي يـــــظــل ابــــفرگتك هــــايم ومفجوع

مــــن نـــار الدموع

* * *

كـــل شـــمــايــل بـــني هاشم بيك يا جسام تظهر

الهـــيــبه مــن هيبة محمد والعزم من عزم حيدر

وارث مـــن الحسن عـــلمه والحسن للعلم مصدر

مـــثــلت جعـــــفــر بالشيم وارث مــــن الحمزه الهمم

ومــــن أبــو السجاد الكرم وســـطــوتـك سطوة الأكبر

بــــالعزم والـــباس تـــشـــبه العـــباس

تـــنــــبع وفــــه وهمـــــه وامـــل وعيوني ينبوع

مـــن نـــار الـدموع

* * *
مـــن سمع رمله تشجعه هاجت ابگلبه الشجاعه

اخــــذ ســـيف المـوت بيده مدرع ابدرع الاطاعه

صاح هذا اليـــوم اريــد اوفيلچ حگوگ الرضاعه

لـــوّح علــــى متون المهر وســـيـفه نضح سم وجمر

شـد على الكون ابن الطهر ابـــزود وابـــهمه وبراعه

لــن يسمع الصوت ليـــهــــمك الــموت

وصــــوتي يــــظـل بـــكل زمــــــن عالظلم مرفوع

مـــن نـــار الـدموع

* * *
روع الحـــومه وزلــــمها وصار امر الحرب بيده

وسمع اصوات الشــهاده اتحشمه لگطعت وريده

عرض جسمه للهـــنادي وضحه من اجل العقيده

جــــاســــم تـوسد مصرعه

ورمــــله ابولدها امصدعه

شـــــاهدت جــثته امگطعه

صـــاحت مبـــارك زفــافك يالنويت اعله الشهاده