جـاسـم يـا شـبـاب الدين

[من نسل عبيدك احسبني ياحسين]

الشاعر المرحوم الشيخ كاظم منظور الكربلائي

جـاسـم يـا شـبـاب الدين .... يبني ويا ضوه عيني
أريدك تنذبح لحسين ..... وبدمك تحنينــــــــي
*****
دگرب خـل أشـم ورود ... خـدك وانـسل جعودك
فگدتـك والـعگل مـفگود .... مـنـي وهايم بزودك
واعـلگ يـولـدي بـحـدود .... عمك شمعة وجودك
لـتـنـام عـلـى ردن الـدين.... أوفي حسين توفيني
يـا عـريـس يـا عـريـس .... أوفـي حسين توفيني
--------
صـد لـمـه الـولـد بـعـيون .... نار ونور تتواگد
يـهـون الأمـر يـمي يهون .....ماني إبنچ وحامي الحد
إلچ عـيـن الـتشوف شلون ..... اسوي للطعن مشهد
وگف وگفـة عـلـي بـحنين .... لمحمد وذب عن ديني
يـا عـريـس يـا عـريـس... أوفـي حـسين توفيني
------
هـلـهـل گلـب رمـله وهل .... دمعها بشوفة هلاله
يـروح الـروح يـا مـنـهـل ..... نمير الگلب وآماله
يـا مـرتـوب يـمـكـمـل ... يـسور الخدر وظلاله
واعـز مـنـك يـمـاي العين ... إنتصار حسين يكفيني
يـا عـريـس يـا عـريـس ... أوفـي حسين توفيني
----
مـانـي إبـنچ وگر عـيناچ ... هودي من الفزع هودي
ثـمـر گلـبچ نـمير حشاچ .... رواني وانعش وجودي
الگطـع الـنـفـس حدي وياچ .... ما گصر بمجهودي
يـمـي ولابـد تـشـوفـيـن .... لـو عمرت ميداني
يـاعـريـس يـا عـريـس... أوفـي حـسين توفيني
----
صـاحـت هـلا بـهـالـنـيه ..... وهلا بهمة الناويها
روح إچسـب مـراضـيـه .... العمك وأمك إرضيها
بـيـط جـروح مـدمـيـه ..... تصير ودمعي جاريها
عـلـيـك إنـرسـم بـالـكونين ..... وبتنفيذه هنيني
يـا عـريـس يـا عـريـس... أوفـي حـسين توفيني
--------
عـلـيّـه فـرضـت الأحكام .... شهاده وكون أأديها
وشـمـا تـخـبط الأيام .... بالصارم لصفيهـــــا
چفـوف الـديـن والإسـلام .... من دمي لحنيهــا
وخـلـد شـرف بـالـدارين ..... وبالفردوس تلگيني
يـا عـريـس يـا عـريـس ....أوفـي حسين توفيني
----
لـوح بـظـهـر الـمسفسر ..... يبني وعالمخيم طوف
وهـز الـرمـح واتـبختر .... وخل عين العيال تشوف
يـسـكـن روعـها وتستر .... بيك وتامن من الخوف
نـودعـه الـبـاري الـكـونـين .... يرعاك ويراعيني
يـاعـريـس يـا عـريـس ...... أوفي حسين توفيني

[أنصار المذبوح]

[محبه العباس]

بارك الله بك

[ابوعلاء العكيلي]

لبيك ياحســــــــــــــــــــــــــــــــــــــــــــــ ـــين
عظم الله لنا ولكم الاجر بعاشوراء الشهادة والاباء والتضحية والفداءعاشوراء انتصار الدم على السيف...
احسنتم بارك الله فيكم وجزيتم خيرا
اللهم العن قتلة الحسين عليه السلام

[من نسل عبيدك احسبني ياحسين]

شكرا محبه العباس

[خليل علي الزبيدي]

(( بوركتم ))

[من نسل عبيدك احسبني ياحسين]

شكرا أستاذنا ابوامنة الكريم

[من نسل عبيدك احسبني ياحسين]

شكراااااااااااااااااااااااا

[من نسل عبيدك احسبني ياحسين]

لبيك ياحســــــــــــــــــــــــــــــــــــــــــــــ ـــين
عظم الله لنا ولكم الاجر بعاشوراء الشهادة والاباء والتضحية والفداءعاشوراء انتصار الدم على السيف...
احسنتم بارك الله فيكم وجزيتم خيرا
اللهم العن قتلة الحسين عليه السلام

أجرك أعظم استاذنااااااااااا