إعـــــــلان

تقليص
لا يوجد إعلان حتى الآن.

ألى بعـض النساء والرجال الذين يخرجون الى المواكب الحسينيـه في عاشوراء الحسين(ع)

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • ألى بعـض النساء والرجال الذين يخرجون الى المواكب الحسينيـه في عاشوراء الحسين(ع)

    فـــــــاتح بلوتــوث عالموكب تفــــوت
    والفرح گاعـد أحسّــــن طاربــــــــك
    ألناس تتنطر شفاعـه امن الحسيــن
    وانــــت تتنطـــــر بنـــــات تخابـــــرك

    شويـــه أثگل من يمر اسم الحسيــن
    لا تضل تحچي وتشــاقي بصـــــاحبك
    أبــد ماچنـــك رجـــل مثل الرجــــــال
    ياهــو عالنســوان گــلي الگـــــــالبك
    عيـــب تلبس ضيـگ وتحچي بـــدلال
    عيـــب مثل الحرمـــه تاخـذ حاجـــبك
    هاي طـــف وفعلتك ضد الحسيـــــن
    او ويــــّه عباس الكفيــــل تخاربـــــك
    وابــو فاضل يضـرب العاده الحسيـــن
    تخيــل العبــــاس بالطــف ظــــــاربك
    عن حسيــن تبعــــدك هاي الأمــــور
    والحسيـــن الدربه صـــدّگ طالبـــــك
    هذا حچـــيي ويـاك لتحسبه عتـــــاب
    أنه اريـــدن نفســـك الي تعاتبــــــــك
    ألعــــن الشيطان روح البس صحيــــح
    وحــــارب النفس التريــــــد تحـــــاربك
    أختـــك احسبهه التمــّر هسـه عليــك
    احسبهه شعره ونابته اعله شواربــــك
    أدري راح تگــــول أحچيــــلك تعــــــال
    ألـــذنب مو بيــنه صــدگني محــــــال
    أدري يبــــن النــاس بالرايــــح تگـــول
    ألذنـــب نســـوانّه الينطـــن مجـــــال
    ليــــش يا نســوانّه الگاعـــــد يصيــــر
    هــاي طـف حسيــن مويــوم احتفـــال
    تــگول عــرض ازيــاء عدچــن موعــــزاء
    تـدوّرن الـي يگلچـــن الله شهجمــــال
    تمّــرن اعــله الموكب تضحـكن نشـوف
    وابوفاضــــل لا يميــــن ولا شمــــــال
    حجابچــن منشوفــه يتسمــه حجــاب
    حجابچــن صايــر مثــل لعــب الجهـــال
    عيونچــن ما تنـــزل اگبــــال الشبــــاب
    للأســف هـــاذي بقايـــه الأحتـــــــلال
    الحــرمه چــانت گبــل تگعــد عالتـــراب
    من تشــوف اعله الدرب تمشي الرجـال
    وهســه والله هــواي مختلفـــه الأمـــور
    الحـــرمه گـــام تصيـــح للزلمــه تعــــال
    ليـــش هســـه اختلفــت الدنيه أگــــول
    راح انطيــكم جــــــواب الهــــل ســــؤال
    لأن بعــــض النــــاس خبزتهـــه حـــــرام
    وخبـــزة الـــوادم گبــــل كلهــه حـــــلال

  • #2
    صح لسانك اخيتي
    نسأل الله الهداية للجميع
    يــــا زائــــــرآ قبـــــر الحســـــين بكربــــلا
    انقــــل ســـــلام العــــــاشـــق الولهـــــان
    بلــــغ سلامـــــي للحســــين وقـــــل لــــــه
    قــــــد هـــــدم العشق جميــــــع كيــــــانــــــي
    sigpic

    تعليق


    • #3
      لبيك ياحســــــــــــــــــــــــين

      السلام على الحسين وعلى علي بن الحسين وعلى اولاد الحسين وعلى اصحاب الحسين الذين بذلوا مهجهم دون الحسين عليهم السلام
      السلام على ابي الفضل العباس السلام على الحوراء زينب................
      عظم الله لنا ولكم الاجر بذكرى استشهاد ريحانة رسول الله (ص) واهل بيته واصحابه عليهم السلام.......
      احسنتم بارك الله فيكم وجزيتم خيرا

      اللهم العن قتلة الحسين عليه السلام

      حسين منجل العكيلي

      تعليق


      • #4
        بارك الله فيكي
        وجزيتي كل خير
        لبيك يا حسين

        تعليق


        • #5
          سلام عليكم اخيتي عاشقة ابا الفضل عليه السلام اود ان ارحب بك اولا باسم جميع اعضاء الساحة الادبية وثانيا اقول لك انت بيننا اخت غالية وشاعرة مهمة بما تمتلكين من تمكن لك المودة والدعاء واهلا ومرحبا بك بيننا وبالاخت منتظرة المنتظر وبالاخت عاشقة فاطمة الزهراء

          تعليق


          • #6
            صح بدنج خيتو منتظرة المنتظر تشرفت بمرورج العطر اختي الكريمة

            تعليق


            • #7
              احسن الله اعمالكم اخي ابوعلاء العكيلي اشكركم جزيل الشكر على المرور الجميل

              تعليق


              • #8
                اختي عاشقه فاطمه الزهراء ربي يبارك في الجميع تشرفت بمرورج المبارك اختي الكريمة

                تعليق


                • #9
                  عليكم السلام والرحمة اخي علي حسين الخباز اشكركم جزيل الشكر على هذا الترحيب الجميل ان شاء الله اكون اختكم وخادمتكم الصغيرة وامنى ان اكون خفيفة الظل عليكم
                  تشرفت بكم جميعا اخوتي واخواتي الكرام وبمنتداكم المتألق والمتميز

                  تعليق


                  • #10
                    احسنت كلامك صحيح مئه بالمئه يخيتي
                    أبا الفضل عشقي الازلي
                    sigpic

                    تعليق

                    يعمل...
                    X