دفن الأجساد الطاهرة
علي السجاد دفنها علي السجاد ـــــــــ بس الاجساد دفنها بس الاجساد
الروس للشام عتنت
ويه زينب سافـــــرت
ـــــــــــــــــــــــــــــــــــــ
وظلت اجساد الاطهار الهاشميه عله الثره
ثِلَتْ ايام الحيــــــــود وعله الغبره مشمره
لاغسل لاﭼـفن عدها وبلســــــيوف موذره
ثار تطلب بني ميه من الرســـول وحيدره
أخذت الثار بألف
والفعل ماينوصف
ـــــــــــــــــــــــــ
الأسديه الخبر عدها وبالطفـــــوف مواعده
حضرت لدفن الغريب وخايفه عيون العده
ولن يمر بيهم علي السجــــاد تارك مشهده
ﮔـال عينوني بدفنهم والعــــــــــيون تشاهده
منهو إنته تسايله
ياكريم العايـــــــله
ـــــــــــــــــــــــــ
ﮔــــال حفرولي حفيره ودفن سبعين بألم
وثانيه بيها الهواشم حيله من عدها نهدم
وﮔـال اريد هنا حبيب الطيب وراعي الشيم
ومن توجه لبو اليمه الجثه مـﮔطوعه خذم
شلون يجمع جثته
وسالت عليه دمعته
ـــــــــــــــــــــ
ﮔـال جيبولي حصيره وجمَّع اوصال الغريب
ونزَّله بلحد القداسه وصعد للـﮔوم النحـــــيب
وشم ابو الباقر المنحر والله والموقف عجـيب
يااله الكون إقبل هذا قربان الحبـــــــــــــــــيب
للإله نقـــــــــدمه
هذا بضعة فاطمه
ــــــــــــــــــــ
وسايل الســــجاد عن واحد شهيد ومندفن
ﮔـال دلوني يشيعه بحـﮒ علي عود الحسن
جاوبوه علَ الشريعه ليث مرمي بلاﭼــــفن
عايف الدنيا الحقيره وطاب له هناك الوسن
هناك وﮔـعت رايته
هنا يساره ويمنته
ــــــــــــــــــــــــــــــــ
ورد ابو محمد الباقر للغريــــــــبه وللأسر
تناشده زينب ييمه ﮔلبي يتلاهب جمــــــر
غيبتك طالت علينا ورايده تبـــــــــين الامر
ﮔـال ياعمه دفنت الساعه مرضوض الصدر
صْرَخَت خويه مندفن
جار بحســــين الزمن
ـــــــــــــــــــــــــ
تعليق