بس اسمك طلع شردّت الفرسان

[عآشــ أبــآ ألفضــل ــقة]

قمر هاشم قمر مومثل هذا الفـــــوك من تطلع شمس ظم راسه ما يطـلّع
قمر هاشم اجه بتركيبة الاصــــــــــلاب من حيـــدر علي ولكربلا مصنــــّـع
سر كلش عجيب وخارق ومكنــــــــون ممزوجا كلابي وهاشمي امرصـــّـع
موطن للامامـه وابن حامي الجـــــــــار والغيره بكيانـه مأصـلّه وتلمـــــــّــع
اذن حكهـا القصيده اتلوذ بالعبــــــاس جي حجمه ضخم ما شاله المطــــع
وعلى هذا الحجم ما صــــــدك الجفين تهوى اعلع الثرى وطيـــح بالمصـرع
وما جذب الكال اثنينهن عالكــــــــــاع هو العافهن جفينه تتكطــــــــــّــــــع
حتى الجربه تزحف تنحني اعله الماي والجفيــن تترس مايه وترجـــــــــــع
اشكد يحمل شرف واشكد اذن عمـلاق بكد الكون كلــه واكبر وارفـــــــــــع
طاعـون الزلم بالمشـــــــرعه وزلـزال عنوان الشهـامه الناصعه التسطـــّـــع
قطب يحمل مجـره بزحمــــة الافلاك عصى موسى العجيبه التلقف وتبلـــع
عبــر مقيـاس رختـر بالقياس هـــــواي وتسونامي طـك بكـربلا مربـــــــــّــع
شامخ مرتفع مثل العــلم والطــــــــود وبحب الحسيــن امن الصغـر يرضـــع
ابوفاضل كلف والهه الكلافه ارجــال تصعد عالمنايــا سيوفــه اتكطـــــــــــــع
بالطــف وصفــوه اتكـــول عزرائيـــــل خله المــوت ياكل وابد ما يشبــــــــــع
سواهـم غنم يطرد عليهم ذيــــــــب واحتارت جهنم بيهم اشتبلــــــــــــــع
لوما الله راد بحكمة التكوييـــــــــــن يبقى حسين نايم عالثـرى مكطـــّــــــع
جا كلشي شطـب من يوم عاشـوراء لا عاشـور عدنا ولا لطــم نسمــــــــــع
ويــن الله ويــــرد عبــــاس عدنـــــا اليـــوم ندعي يرد علينا والله ما يكطـــــع
واتخيـــل بعد ياهــــو العلينـــه يعيـــل لو عبـــاس يرمي وكــاض المدفــــــع

[ابوعلاء العكيلي]

احسنت بارك الله فيك

[أنصار المذبوح]