"عسكر".... ابو محمد المياحي

[منتظرة المنتظر]

قصيدة*الشاعر*ابو*محمد*المياحي*"عسكر"

عسكر هذا ! اي عسكر وهذا لوحده من جاي!
وليش بمشيته مستحگر العسكر ؟

هاي جيوش جرت خيل تتبع خيل*

سيل تگول چنها ومن جبل حدّر

هاي رماح كشرت تشبه النيبان

*عد وحش الفله للصيد لو كشّر

هاي سيوف تگطر موت

*هاي سهام تمطر شر*

هذا الحوم سكن بالسما جوعان*

اذا يشبع اليوم منين يتشكر

الكواسر والجوارح چلچلت شتريد ؟

مصدر رزق عدها منين هالمصدر ؟

ياهو العازم وحوش الفلا هاليوم ؟

وبالصيد السمين مواعد اليحضر ؟

ليش العسكر تغير ؟وليش وجوهم تصفر ؟

ما تسمع حچي بس چلمه وحده تدور

أحذر ......هالاجاك..... احذر

واحد والصفوف تموج وتخلبص غزلها*

وزينها تحيّر

واحد خله سبع الگوم يجفل من خياله*وبيه يتعثّر*

ونزل وبمشيه يتبختر....

*نزل وبكيفه يتخير......

*نزل وعيونه موت احمر...

*سمعنا الجيش ضد واحد*يحوطه
وطوگ بي يفتر...

*ما سامع بواحد صار طوگ الجيش

*والنشمي...الشجاع.. الگدر منهم فر

ّ*نزل عسالها الادور....

نزل للمعركه شمر....

طخّن يالرگاب وطَخن وي الصوت

*طاحن روسهم من گبل ما طبر*

واختلفت اقوال الگوم*شي گالت قدر

محتوم*شي سمته المگدر

*شي گالت رجع حيدر

*شي بالگاع تتسمر

*شي ظلت لوجه البطل تتفكر*

شي گامت تصيح الغوث
*أستر............. يا ألهي أستر

*وزعهم حصص للوحش للعقبان*

انتخمت وابو فاضل بعده صوته يصيح

*منهو الما أكل*منهو أليريد أكثر ؟

وگصد للماي المشكّر...

گصد والروس تتشمر...

گالو فنه ما يگدر....

*وشانت عد گمر عدنان

*صاح شلون ما أگدر!!!!!

ضهضب وأنتخى*وما ظل ولا خيال

*بس صاااااح ابو فاضل.....
*أنا أبن حيدر................

[خليل علي الزبيدي]

صلوات الله عليك ياقمر العشيرة
بارك الله بكم

[منتظرة المنتظر]

وبكم استاذنا الفاضل
نورتم صفحتي

[ابوعلاء العكيلي]

احسنت بارك الله فيك
جزيت خيرا

[أنصار المذبوح]

ڳُأِلٌعِأَدّة أَبِدِأِعٌ رٌأِئع

وٌطُرٌحّ يّسَتَحَقً أًلٌمَتّأَبًعًة

شُڳَرًأًٌ لًڳَ

بُأٌنُتّظًأَرٌ أٌلَجَدَيُدُ أِلَقّأٌدَمٌ
دّمِتّ بُڳٌلٌ خِيّرٌ

[منتظرة المنتظر]

حياكم الله وبياكم
لقد نورتمونا بحظوركم