اني مو ضـــد هـــــذا التطـــــــــور بـس هيـــــــج تطـــــــور مااريــــــــــــــد

[عآشــ أبــآ ألفضــل ــقة]

صح قبل شارع ترابي بلا رصيف
والصريفه البيها كاعد تمطر المي على كيف
لكن احسن
ماجوه التبليط رجلي ولانمت فوك الرصيف
قبل حمام بصريفه ردي وبرد
وشتا وبارده
وبابه برده
وكلنا ماخذنا الرجيف
هسه كيزر ماي حار ((سخان ماء حار)) ودوش عدنا
وبالألف.. واحد نظيف
قبل تنور اهلي طين والصديق يصير اخوي لو علي مرة يضيف
هسه من صار الخبز عالكهرباء ضل يحط عينى على اختي وهوه ياكل بالرغيف
انا ضد هذا التطور.. موشريف
لاتكول انسان رجعي.. الناس صعدت للقمر
ارفض اصعد للقمر حتى لا اصيرن خفيف
قبل خبز شعير ناكل
ولو شبع واحد يصدّق عالفقير
حتى عن ذنبه يكفّر
هسه جلفراي ناكل
ولو طلب خبزة الفقير نتفل بكصته ونكفّر
انا ضد هذا التطور
قبل بس فانوس عدنه
وكنا كل مغرب نشعله وعالنبي نصلي ونكبّر
هسه لو شعلو علينا الكهرباء
حتى شايبنا يصفّر
انا ضد هذا التطور
قبل جان الخص قصب وماتزل عالجار عين
جانت القصبات تستر
هسه طابوق السياج
شويه ناصي
بصفه كرسي
فوقه رجلي
ارفع ايدي
بس اأشر
هيه تطفر
انا ضد هذا التطفر بالحياة
عملوا الاف التجارب والبحوث حتى تدخل انظمة وندوز كل الحاسبات
بلكي عدكم حاسبه بأحدث نظام تحسبلكم كم عراقي بلا عشه تعود يبات
وتضرب بنود الحصار وتطرح الهم العلينا
وتقسم ضهور الطغاة
انا ضد هذا التطور ياطغاة
صنعو تلفاز ريموت كونترول حتى محد يتعب بوقت الصلاة
هوه كاعد لوسمع صوت الاذان يدوس دكمه لوحده يبدل قناة
ومارضو عالتفرقه بزي النساء الامريكان
وحده متقبعه بحرير ووحده نص ردن وردان
صممو بوردا حديثه وحققو بيها التساوي
وهسه كلهن عاريات
ان من هذا التطور ما اريد
ما اريد الميرميدا تصمم ازياء النساء حتى لا يتعرى جيد
وما اريد الناطحة تدك بالسحاب حتى لاتعلى العبيد
عندك ايد وعندي ايد
ما اريد بكومبيوتر تننرفع جثة شهيد
قبل طب اعشاب جان يعني لو قلبك يموت تموت كلك ماتفيد
هسه لو قلبك يموت الطب يكلّك ماتموت لوقلب تمساح نزرعلك تريد
ولذلك ما اريد
ما اريد كلما اكص كف الحرامي يروح يزرع كف جديد
وما اريد امريكا تستنسخ بشر - حتى لا كل يوم تستنسخ يزيد
انا ضد هذا التطور
سحبو بليزر رصاصه - يعني نقذو روح واحد بالسويد
و ضربو بليزر الف ملجأ عراقي وذابت عظام البشر ويا الحديد
اني مو ضـــــــد التطـــور
اني مـــــن هـــــــــذا التطـــــــــور ما اريـــــد

[منتظرة المنتظر]

السلام عليكم اختي الموالية
شكرآ ع المجهود والموضوع المميز
لكن اسمحي لي غاليتي
هناك بعض الالفاظ ليس من اللائق
ذكرها هنا....
وفق الله الجميع لخدمة الحق

[أنصار المذبوح]

شّڳَرًأِ لًڳً ۶ـلّى أًلّمُوٌضّوِعُ أًلٌجٌمًيّلّ وِ أِلًمُفًيِدَ

جّزَأٌڳُ أًلِلًهٌ أًلٌفً خّيًرُ عُلَى ڳَلّ مٌأً تًقٌدّمًهِ لًهَذٌأُ أَلّمًنَتًدَى

نّنِتَظِرً أِبّدًأِعّأَتًڳُ أِلُجُمٌيٌلٌة بّفُأًرَغُ أُلَصّبِرٌ

[ابوعلاء العكيلي]

احسنت بارك الله فيك

[جعفر موسى العراقي]

ابداع ولكن لاحياة لمن تنادي....احنه شعب متامر على روحه مثل واحد لازم سكين ويضرب بروحه...احنه بدلنه حكومه هسه نريد نبدل شعب وكله من وره المحتل الي زرع هذا التطور الي تسولفين عليه ...مشكوره

[عآشــ أبــآ ألفضــل ــقة]

منوووووووووووووووورين
اخــــــــــــــــوتي واخــــــــــواتي الكــــــــــــرام
تشــــــــــــرفت بمروركــــــــــــــم العطــــر جميعــــــــــا
اشكــــــــــركم جزيـــــــــل الشكــــــــــــر على ردودكــــــم الطيبـــــــــة
وعليكم السلام والرحمة اختي الفاضلة منتظرة المنتظر صح كلامج واوافقج الرأي
توجد بعض المفردات الغير لائقة ولكن هذا المفردات تحكي واقعنا المرير
الذي نعيشه الان وهية مفردات صريحة تكشف حقيقة البعض بدون اي رسميات
لذلك حبيت ان تكون مثل ماهية وماغيرتها وشكرا على رايك اختي الكريمة