تويت
الشاعر المرحوم السيد عبدالحسين الشرع
ودع وطـن طـيـبـة حـسـيـن..... ولـكـربـلـه تعناهه
حـفـت بـالـضـعـن عـدنـان.... وتـعـنـت مـنـاياهه
يـثـرب حـيـن ودعـهـا..... وعـنـهـا الـضعن راد يشيل
سـمـعـت هـاشـم بـنـيـتـه .... نـاوي عـلى المسير بليل
لـفـاه مـحـمـد يـنـاديـه... ودمـعـه عـلى خدوده يسيل
نـاوي بـهـالـضـعـن لاويـن... مـاخـذ كـل هلك يحسين
لاتـضـعن يا نور العين... يثرب ما تود فرگاك...ليش تريد فرگاهه
لـيـش بـضـعـنـك بـهـالـلـيـل.... طالع من وطن جدك
يـظـلـم مـن عگب عـيـنـك... وهـاشـم تنذل من بعدك
إنچان الگصـد لـلـكـوفـه.... إتـرك يـا فـحـل گصـدك
لا تـضـعـن لـواديـهـا.... تـخـونـك بـس تـصـل ليها
ياخويه نسيت أهاليها.... وخوك شسوت وعوده...تدري بكل فجاياها
لـمـن سـمـع حچيـه حـسـيـن... ون وصـفگ إيـد بـإيد
يگلـه عـداي يـردونـي.... ابـايـعـهـم وطـيـع يـزيـد
واگضـي الـعـمـر بـالـذلـه... يـخـويـه لـهـالعمر ماريد
خـلـيـنـي ارشـد بـنـيـتـي.... وآخـذ كـل أهـل بيتي
بـالـعـز رايـد مـنيتي... عليل الدين يامحمد...ودمي لعلتي دواهه
هـيـهـات أصـبـر عـلـى الـظيم ..... وعليه تغمض عيوني
لـن صـوت الـعـلـيـلـه تـصـيـح... ياهل الضعن تانوني
صـاح ارشـد يـاحـادي وسـيـر.... وتـجـدم عـلى ضعوني
يـاهـلـي ويـاكـم إخـذونـي.... عگبـكـم تـعمى عيوني
وحـدي لا تخلوني.... فرگاكم هدم حيلي...وروحي المرض اسلاهه
يـاويـلـي مـن سـمـعـهـا حـسـيـن... رد من الضعن ليها
گعـد يـمـهـا يـصـبـرهـا.... عـلـى فـرگاه ويـسليها
يگلـهـا يـا ضـوه عـيـونـي..... دمـعـتچ لا تـهـلـيها
يـابـويـه لـلـوطـن ردي.... وخـلـيـنـي ارشد بگصدي
ونـتچ ذوبت چبدي .... تراني من اسمع ونينچ...روحي تجود بلواها
تگلـه شـلـون اتـم وحـدي ... ولاعـرف ويـن مـنـواكم
عگبـكـم مـن يـصـبـرنـي.... ويـسـلـيني على فرگاكم
يـابـويـه ويـاكـم إخـذونـي.... أمـوتـن واحـتيي وياكم
مـنـي لـيـش تـتـعـذر... وآنـه عـلـى الـبـعد ماگدر
ضـعـنـكـم ناحر بهالبر.. ولا أدري رچايبكم...وين يصير منواهه
جـاوبـهـا عـلـيـلـه إنـتـي..... يـابـويـه وخطر مسرانه
وخـاف مـن الـتـعـب يـاذيچ ..... لـو خـذنـاچ ويـانه
كــلـنـا هـنـا وبـعـد ايـام... اودي لچ الـريـحـانـه
يـجـيـبچ والـشـمـل يـلـتـم.... گلـبچ لا يـظـل يهتم
گلـبـي عـلـيچ يـتألم... لو شفتچ بهالحاله...روحي الحزن يحلاهه
تگلـه كـلـكـم تـغـيـبـون.... وابگه بـهـالوطن وحدي
مـالـي حـيـل فـرگاكـم.... وذاب مـن الـحـزن چبـدي
يـابـويـه عـاد خـلـيـلـي... عـبـدالله الـطـفل عندي
بـلچن يـرد وحـشـتـكـم..... يـسـلـيـني على فرگتكم
خـاف تـطـول غيبتكم... خاف دمعتي تجري...ولا ينگطع مجراها
گلـهـا شـلـون عـبـدالله... نـمـشـي وعـنـدچ نـخليه
عـلـيـه أمـه شـيـصـبـرهـا.... وتـصعب فرگة أمه عليه
خـويـه حـرمـلـه ظـالـم... لـخـوچ بـكـربـلـه يتانيه
صـايـغ لـه لـخـيچ طـوگ..... لـبـسـه بس عليه يلوگ
چنـه عاشگ ومعشوگ ... يطوّگ رگبته بنبله...تظل للحشر وياهه
كـون مـن الـدلـيـل تـشـوف... أخـيچ سـبـيـح بدمه
وســدر بــيـده لـمـخـيـم... ومـنـي تـاخـذه أمـه
نـوبـه تـشـم وجـنـاتـه... ونـوبـه بـمـنـحـره تشمه
وسـاعة تخمش بخدها..... ولا يبگه عگل عدها...بويه الله يساعدها
حسين منجل العكيلي
تعليق