تويت
قصيدة / خدّام نظل وانصار
.......................................
.......................................
خدّام نظل وانصار
متحزمين بْكل عام
نخدم كل الزوّار
خدّام نظل وانصار
..............
مرحبه وْكل الهله بالزاير وْحيّاه – مرحبه بْضيف الامام وْياهله بْمسعاه
مْبارك الله باليجينه وْخدّام نتلگاه – من يجينه نفتخر نستقبله وْنرعاه
ونْگلّه يالمقدام – اامرنه وْ لاتحتار
خدّام نظل وانصار
..............
بالصلاة اعله النبي نْحيي ضيوف حسين – ننتظِرهم كل سنه الهالجيّه متلهفين
واعله خِدمتهم نِظل ايام متحزمين – ما يهمنه كل تعب بالخدمه للطيبين
نحسب وانعد ايام – توصل يمته الاحرار
خدّام نظل وانصار
..............
اسأل اجناس البشر ما تلگه هالاحساس – والخدم شفناها تنهان وْتذِلها الناس
نفخر احنه عالخدم خدمتنه ما تنقاس – عزنه بيها وْنعتقد هالخدمه رفعة راس
كتبت عنها الاعلام – اقره وْشوف الاخبار
خدّام نظل وانصار
..............
يحرس الرحمن جيته الزاير المعصوم – تْنوّر بْجيته المدينه ما يظل مهموم
وْخيره يتناثر علينه والعليل يْگوم – رحمه من رب الجلاله وِبْسِمانه تْحوم
ترفّ تْنور الاعلام – بْكل موكب وبْكل دار
خدّام نظل وانصار
..............
ما تهمنه الناصبيه وْكل فتاوه الجور – نخدِم الزاير نهجنه بْكل فخر وسْرور
وْنفدي للعتره الشريفه كل دمانه نْذور – ما نِهاب الناصبي والحاقد المغرور
تحمّلنه شْگد الام – ما نرضه بْذلّه وْعار
خدّام نظل وانصار
............................
............................
خادم اهل البيت ( ع )
الشاعر الحسيني
سعيد الفتلاوي الطويرجاوي
حسين منجل العكيلي
تعليق