تويت
الشاعر المرحوم الشيخ كاظم منظور الكربلائي
بـالأربـعـه ضـحـيـت يـحـسـيـن يـعـيـوني
ردتـك تـظل موجود..... سالم عليه تعود..يحسين يعيوني
يـحـسـيـن آنه أم البنين ودهري ذبني..... يحسين يابني
وعـن الـبـنين الأربعه وعنك حجبني...... يحسين يابني
آنـه الـخـفت من كربله وگلبي لسبني...... يحسين يابني
والـكـربـلـه شـودّيـت..... يـحـسـين ياعيوني
خل گلبي عاد ينوح..... ويحمل خمس جروح..يحسين يعيوني
يـحـسـيـن ربيت أربعه بشحمة عيوني..... وما خيبوني
ظـنـيـت بـيهم بالوفه وصدگت ضنوني.... وماخيبوني
لـيـوم الـردتـهـم وبجهد يومك رضوني.... وماخيبوني
ربـيـت وشـربـيـت يـحـسـيـن يـاعـيـونـي
اربـع بـدور تـنور..... وتجلت بعاشور ..يحسين يعيوني
مـن ودعـتـنـي وسـدرت للغاضريه..... وصوابي بيه
يـحـسـين برسومك شفت علم المنيه........ وصوابي بيه
عـلـمـك لـفـاني وانهدم بيتي عليه...... وصوابي بيه
وإنـت عـمـود الـبـيـت يـحـسـيـن يـاعيوني
مـن طحت طاح البيت.... وبترابك تواريت..يحسين يعيوني
يـحـسـين من ضعنك سدر من المدينه...... وانگطع بينه
ظـلـيـت أحسب باليمر عگبك علينه..... وانگطع بينه
وصـيـت ابـوفـاضـل يوافيك بيمينه.... وانگطع بينه
وبـنـصـرتـك وصـيـت...... يـحـسـين ياعيوني
اربـعـه تـشـيل الراس... عينتهم العباس..يحسين يعيوني
حسين منجل العكيلي
تعليق