تويت
السلام عليك ياكريم آل محمد
هلله هلله الحسن وينه سمِّته جعده اللعينه
ــــــــــــــــ
يارسول الله ﮔومك ذبحت أولاد الزﭽـــــــّـــيه
ﭽبد بالسم يتـﮕطَّع من فـــــــــــــعل ﮔوم آل اميه
وﭽبد عالتربان ضامي يلوب برض الغاضريه
وﭽم ﭽبد إلكم تلوّى وأمـــــــــست أنواره دفينه
ــــــــــــــــــ
ﮔومي يم الحسن ﮔومي تلـﮕـي ﭽسَّاي اليتــــــامه
تلـﮕـي ابو محمد الزاﭽـي وسجلي وزيدي الظلامه
والمصاب اللي لفاكم يبــــــــــــــــقه ذكره للقيـــامه
خله ﮔلب حســـــــين دامي وزينب بفـﮕده حزيـــــنه
ــــــــــــــــــــــــــــــ
خانو ا المختار ﮔومه والكـُـفـَر ميصون عهده
هند أمه الناصبــــــــيه لحمزه أكلت بعد ﭽبده
والمشه بدرب الجهاله ماكو قانـــــون اليرشده
شما لبس زور الديانه تطلع افعاله المشـــــينه
ــــــــــــــــــــــــــــ
يبو محمد كل عمرنه لجالكم نـﮕـــــظي مناحه
انت نور النبي الهادي ومهجته وطلعة صباحه
شلون غاب البدر عنه ومنــــهج الدين وفلاحه
وحافظ اسرار العقيده وخازن الدين وأميــــــنه
ــــــــــــ
وبعد كل اللي جرالك رجعت لـــــﮕبرك تهدمه
رضعت من ابليس كلها زمرة سعود المجرمه
هدمت ﮔبور الزواﭽـي الجاهليه بدون رحمه
وهدمت صرح الفضيله وهدمت سور المدينه
ـــــــــــــــ
حسين منجل العكيلي
تعليق