قصيدة / دمعة رقيه

[الشاعر سعيد الفتلاوي]

قصيدة / دمعة رقيه
..............................
..............................

ماننسه لا والله دمعة رقيه

روح النبي المختار بت الزچيه

...................

بْنار الحزن والاه يهمل دمعنه – واعله العزيزه يْدوم مجلس حزنه

ماتبرد النيران يسعر جرحنه – من ظلم ابن سفيان ابن الدعيه

...................

تْنوح اليتيمه تْريد والي امرها – يحظر يجيها يْشوف حالة اسرها

من غاب ابو الاحرار محد يسرها - وْمابطّلت هالنوح صبح وْ مسيه

...................

وبمجلس الطاغوت تبچي وْ تريده – ماتدري بالمظلوم حزّو وريده

واعله الرمح مرفوع راس العقيده - وينك يبويه اتصيح آنه السبيه

...................

فَزّت يعمّه تْصيح اَسمع كلامه – وتْرد عليها اجواب فخر الامامه

راح ابسفر لبْعيد راعي الشهامه – يم جدنه والاطهار خير البريه

...................

عرضو عليها الراس صارت فجيعه – من شافت المذبوح طاحت صريعه

انصرعت رقيه وْ حيف صرعه فضيعه – ناده العليل بْآه جتها المنيه

...................

من بيت ابو سفيان كلها المصايب – منهم اساس الجور اصل النوايب

عادو علي الكرار اهله وْ گرايب – مْصابچ رقيه يْدين ارجاس اميه



.................................
.................................

خادم اهل البيت ( ع )
الشاعر الحسيني
سعيد الفتلاوي الطويرجاوي

[من نسل عبيدك احسبني ياحسين]

مأجوروموفق بحق آل محمد شاعرنا

[القران الناطق]

اجرك الله..وموفق بحق محمد وال محمد

[ابوعلاء العكيلي]

طيب الله انفاسك واعظم لك الاجر اخي العزيز

[علي حسين الخباز]

طيب الله لسانك وجعل من شيعة اهل البيت دنيا وآخرة

[الشاعر سعيد الفتلاوي]

ربي يستر عليكم جميعا

[أنصار المذبوح]