تويت
من وزن التجليبه -- يعمه وين ابوي حسين -- شعر ام هدى الخزاعي
-----------------------------------------------------------
يعمه وين .... ابوي حسين .... ابوي حسين حاجيني
وحك جدي ....انفطر جبدي... اموت بحسرة اونيني
اله اشتاكيت ....... متت ياريت
اموت بحسرة اونيني
---------------------------------
يعمه الروح ذابت تبجي محتركه .... عليه ملهوفه عمه وطالت الفركه
يبويه حسين تندب تصرخ بشهكه .... انا اشتاكيت أحظنك ساعة الملكه
تون والروح ..... تهيج جروح
تصيح الفركة تجويني ..... اموت بحسرة اونيني
---------------------------------
يعمه الروح تبجي تريده ملهوفه .... انه سنيني ابحنانه وعطفه مديوفه
فلا اكدر انام وعيني متشوفه .... احس جني يتيمه وروحي مخطوفه
تون بدموع .... كلبها يلوع
اريده اليوم ارحميني ...... اموت بحسرة اونيني
-------------------------------
اموت هنا يعمه وانتظر جيته ..... اظل مثل الشموع الماتت بسكته
صعب احمل غيابه وبالجفن شلته..... الابو رية عواطف والنفس بته
يعمه شلون ..... اظل بالهون
تفانت زهرة اسنيني ...... اموت بحسرة اونيني
-------------------------------
يعمه اشلون اكدر احمل اغيابه ..... واحس ناره يعمه بكلبي لهابه
شلون اسكت واهيد وعيني سجابه ..... لو اسكت تصيح الدمعه يايابه
تهل الجفون .... عمت العيون
غيابه اشسوه شوفيني...... اموت بحسرة اونيني
-------------------------------
يعمه لو اشوفه والله ماعوفه .... اخذني اوياك اكله واحظن اجفوفه
لون طيفه يمرني أحظن اطيوفه ..... واكله الدمعه بويه بدمها مذروفه
يبويه افداك..... اخذني اوياك
ولا اصدك يخليني ...... اموت بحسرة اونيني
-------------------------------
غمض جفن المصيبه بليلة احزانه .... بعد ليلة حزن والدمعه حيرانه
افز اعلى البواجي وروحي نحلانه ..... يصوت الطفله تصرخ بويه لهفانه
على الماشين ...... تدير العين
يكلي ابحسره اتبعيني ...... اموت بحسرة اونيني
-------------------------------
صدح صوت البجي والطفله مصدومه ..... تصد الراس ابوها وفايضه ادمومه
ياعمه تصيح اريده وروحي مالومه ..... اريد احسين ابوي المنه محرومه
بكلب مصدوم ..... دمع وهموم
تكله يابعد عيني ...... اموت بحسرة اونيني
-------------------------------
خذت راسه بحظنها بشوغه وتشمه ..... وتحاجيه بحنان ومهجه متالمه
يراس البالطشت ومخضب بدمه ..... شكت همها وتتاني الموته مبتسمه
كظت ويلاه ..... بامل ترجاه
يعمه تكلها ودعيني ...... ...... اموت بحسرة اونيني
-----------------------------------------------------------------------
ونسالكم الدعاء ..... ام هدى الخزاعي
حسين منجل العكيلي
تعليق