نواعي لمصاب الامام الحسن الزكي عليه السلام

[الشاعر سعيد الفتلاوي]

نواعي لمصاب الامام الحسن
عليه الصلاة والسلام

........................................
.............................


وينه الينوح اليوم وينه - اِعله المصاب البالمدينه

وْينعه الامام الغادرينه - گوم الغدر واهل الضغينه

..............

سابع صفر يوم البليّه - يوم الاسه اعله الهاشميه

واعله العقيله الفاطميه – امصاب الحسن والي الرعيه

..............

الشيعه تنوح بهالمسيه - سمو امام الجعفريه

سبط الولي حامي الحميه - فخر الامامه الهاشميه

..............

لجلك امام الدين منصوبه المآتم - ننعه وْ ننوح اعليك يا فخر الهواشم

نْعزي الوصي الكرار ونْعزي الفواطم - حزنك ازل مولاي ياراعي المكارم

..............

نَوحي عله المسموم بارضج يالمدينه - نْعزي النبي المختار والحرالامينه

والوالد الكرار غالينه وْ ولينه - كلها الموالي تنوح تنعاه وْ حزينه

..............

شيل الطشت يحسين واخفي البليّه – وامسح دموم احشاي لو بانت عليّه

خايف تشوف دْماي خيتي الرضيّه – وسفه او الف ياحيف من هاي الرميّه

..............

واسي العقيله ونوح عزيها بْاَخوها - عزيها بالمسموم هاليوم افجعوها

گَوم الحقد والغيض بالوالي افزعوها - فوگ اليتم هاليوم زينب روْوعوها

..............

ننعه وْ ننوح عْليك ونْعزي الفواطم - حزنانه كلها عْليك ياراعي العزايم

شبل الوصي الكرار فخر اهل المكارم – سبط النبي المختار ياعز الهواشم



............................
............................

خادم اهل البيت ( ع )
الشاعر الحسيني
سعيد الفتلاوي الطويرجاوي

[ابوعلاء العكيلي]

طيب الله انفاسك واعظم لك الاجر

[الشاعر سعيد الفتلاوي]

وانفاسك اخي ابو علاء ربي يوفقك

[أنصار المذبوح]

[الشاعر سعيد الفتلاوي]

الله يبارك بيك اختاه