السلام عليك ناصر دين الله ومذل أعدائه
السلام عليك ياأباعبد الله الحسين
قصيدة زيارة الاربعين (بقلمي )
اليوم جيناك يوالي اليوم جيناك
نرغــم عداك يغالي نرغم عداك
ــــــــــــــــــــــــــــــــــــــــــــــــ
ندري يحسين الشعاير عالأصول مأسسه
وصايره لأهل العقيده الأحمـــــديه مدرسه
سور للنهج القويم وبالضماير تحــــرسه
حسين عنوان الكرامه وبيها ثبت مجلسه
مجلسه مجلس شرف
وبالمضامين نعـــرف
ـــــــــــــــــــــــــــــــــــــــــــــــ
حسين سيد عالملوك وبيده صك الغانمه
يثبـِّت التيجان بيده ويعزل بلا مرحــمه
ثورته ثورة كتاب الله بالحـــــــق قائمه
حسين نوريِّة الدين المايشاهدها عمه
عمت عين العادتك
ومامشت لولايـتك
ـــــــــــــــــــــــــــــــــــــــــــــــ
تربة حسين ابو اليمه نزلت من اعظم سمه
ختلطت بروح الرساله ورتوت بعـْظـَم دمه
وكتب يوم الغاضريه حسين أعظم ملحــمه
وكال للخاين ضميره الحر أبد ميسالمه
درس للعــــــــالم بقه
لازم احنه نطـــــــبقه
ــــــــــــــــــــــــــــــــــــــــــــــــــ ـــ
واليزور حسين لازم يعرف حســـــــــــين شيريد
مو يضل بس بالشعار ومنهـجه منهـــــــــج يزيد
يـﮕول اني عله الولايه وهوه شيطــــــــان المريد
يموت عل الحق والولايه ومايبايع كالعــــــــــبيد
لآل طه بيــــــــــعته
يضحي ليهم رﮔبته
ــــــــــــــــــــــــــــــــــــــــــــــــــ ـــــــــــــ
ياشبل سبع الحرايب جينه ليك محَزِّمــــــــين
ندري خطوات المسير لكربله تحفــــــظ الدين
وندري لو زرنه الشهيد نصـــير زوار الأمين
طه ابو ابراهيم يشفع للوفـــود الزائـــــــرين
والأجر نتســـــلمه
منيد بنته فاطمه
ـــــــــــــــــــــــــــــــــــــــــــــــ
خليشوفون النواصب والابواق الكاذبه
هذا مشروع المسير الكربـــلاء شرتبه
مثل ﮔبة ﮔمر هاشم هالعقيده مرتـــــــبه
والذي يحارب حسين بلا هواده نحاسبه
شمس حيدر شعشعت
الكره الارضيه طـلعت
ـــــــــــــــــــــــــــــــــــــــــــ
يازهراء أنت شفيعتي
حسين منجل العكيلي
تعليق