يـالـنـايـم اعـلـه الـعلگمي من نومتك گوم

[من نسل عبيدك احسبني ياحسين]

الشاعر المرحوم الشيخ كاظم منظور الكربلائي
يـالـنـايـم اعـلـه الـعلگمي من نومتك گوم
يــهـــنـــا لـــك الـــنـــوم
مـا تگعـد تـسـوي لـعـلـيلك والحرم جاره

هالله هالله شـلـون وگفـه وگفـت الحرة العقيله
گابـلـت شـاطـي الـفرات وصاحت بونه ثجيله
يـعـبـاس الـضـعـن هذا رد يودعك يا جفيله
ويخبرك شصار وسدر..... من طحت مرمي على النهر
وانـصـاب الـحـسين بحجر.... والسهم مرد دليله
فـرهـود صـاحـوا بـالـخيم من عگبك الگوم
يــهـــنـــا لـــك الـــنـــوم
وظـلـيـت آنـه بـهـاي الـحرم حايره ومحتاره

ريـت سـيـف الگص يمينك گص يابو فاضل يميني
والـعـمـود الـفـضخ راسك حال مابينك وبيني
ونـشـف مـن الـدمع جفني من سنا جمرة حنيني
إي وحگ جفك والعلم...... ع?بك عليّ بيتي إنهدم
الله مـن صـوت السهم .... مثل عينك فگس عيني
يـالـصـوبـوا عـيـنـك سهم والسهم مسموم
يــهـــنـــا لـــك الـــنـــوم
مـن عـيـنـك يـفـور الدمه ومن عيني يتجاره

يـعـبـاس شـلـون ولـيـه بولية عداك انولينه
حـرم والـخـيـل ادهـشتنه وحرگوا خيمنه علينه
نـار فـوگ الـنـار شـبـت بالضماير وانسبينه
نـار الـمـخـيم والضمه... صاحت ودايع فاطمه
لاظـل خـدر لاظل حمه..... گوم ياحامي الضعينه
نـاريـن الـصـارت بـالگلـب تـتواگد اليوم
يــهـــنـــا لـــك الـــنـــوم
جـمـر الـضـمـه وحـرگ الـمخيم گملت ناره

يـالـعـلـيـك الـخوه فرضت تسبح بدم الحميه
فـرضـت عـلـي الـكفاله ومضت بيها الغاضريه
أنـا واكـفلت عگبك خواتك واشگفت عنهن بديه
لاگن الـحـالـه تغيرت..... وبيوت أهلنه تهدمت
عگبـك والـعـيال إنسبت..... وآنه أديت العليه
بـيـن الأخـو وبـيـن الإخـت لازم ومـلزوم
يــهـــنـــا لـــك الـــنـــوم
وهـرش الگلـب مـن يـنـمـرد تـتـغير اثماره

يـعـبـاس شـلـون حـيره تحيرت وانگطع گلبي
وظـل يـحـوم على الشريعه وعيني على الخيم تربي
طـحـت يـصـبي البصيره وبيش اوجد بعد دربي
نـصـيـن دلالـي إنـجسم.... مابينك وبين الخيم
يـاخـذ لـك أخبار الحرم.... يالطحت بسهام عتبي
عـبـاس ظـل بـمـصـرعـك گلب إختك يحوم
يــهـــنـــا لـــك الـــنـــوم
ويـسـدر الـخـدر الـحـرم يـاخذ لك أخباره

[القران الناطق]

يسعدني ان اكون اول من يقرأ هذه الكلمات التي تهز القلب..سلام من الله عليك ياابا الفضل وعلى اختك ام المصائب
موفقة بحق محمد وال محمد

[ابوعلاء العكيلي]

طيب الله انفاسك واعظم لك الاجر

[من نسل عبيدك احسبني ياحسين]

شكرا القران الناطق

[من نسل عبيدك احسبني ياحسين]

شكرا أستاذي ابوعلاء العكيلي

[أنصار المذبوح]

[من نسل عبيدك احسبني ياحسين]

شكرا......