تويت
نسل ذيج ألأباة
نزل نهر الفرات
جنه حيدر بالحرايب صال طشرها الصــفوف
زلـــــــزل ابتاره غاضب راد يـﮔـلبها الطفوف
-----------------------------------------
صـول العباس بيده صارمــه
كالصواعق نازله من السـمــه
اليوم صولاته عليهم حــاسمــه
وصار ملك الموت بـيده القائمه
سلب منهم حياة
ورواهــم ممات
اليوم بيده النفل حالف سيفه يسـﮔـيهم حتوف
وصــــار عزرائيل عونه ﮔـاعد بحد السيوف
---------------------------------------------
من سمع زينب تنادي يا ﮔـمر
اطايرت بعيونه نيران وشـــرر
ﮔـال يـــــازينب اصيرلج نهــــر
والله اروي اجموعهم موت وخطر
ورب العاديات
اصير انه الفرات
راح أقدم عيني فدوه وراح أنطيها الجفوف
وراح اسوي الدنيا ظلمه بيهم وعينج تشوف
-----------------------------------------------
راح أﮔــــــــلب كربـله بهذا النهار
حـــيدره شاهر يميني ذوالفــــــقار
راح اخــــــلي اقطابها بلاية مـــدار
وراح اخلي ايامــــهم عكس المسار
أنه أبن الحماة
لخليهم شتات
حتى لو صالت علية وهجمت جموع ألآلوف
أسمي عباس ويميني احد من شفر السيوف
------------------------------------------------
أنه لجل حســــين أفدي مهجتي
أمي وصتني أنه وكــــل أخوتي
انه يم الزهره ارفع هــــــــامتي
بيكم أحمي حسين جانت غايتي
شفت بيكم ثبات
لعد حين الممات
شفت بيكم عزم حيدر جان يكسرها الانــوف
وجان يشوف الجنه تزهي تحت أفياي السيوف
------------------------------------------------
بقلم الشاعر
"غسق التميمي"
حسين منجل العكيلي
تعليق