تويت
الشاعر السيد عبدالخالق المحنّه
يـا لاهـي إبجاه دم حسين و العباس و إجفوفه
تـسـهـل أمـر غـايـبنه يرجع سالم إنشوفه
ثـارات خـل يـطـلـبها...ثارت عد غايبها
أجـيـال أجـيال تتأمل يا لاهي و تهمل المدمع
طـالـت غـيـبة الغايب تسأل يا وكت يرجع
لـو حـجـبت قمرنا الغيم مهما ينحجب يطلع
و إتـشـوف الـبشر نوره...و التتمنه معذوره
دعـاء إقـلـوب مـكـسـوره
يـا رب أنـصـار أبو السجاد للثارات ملهوفه
أبـد مـا يـوم مـلـيـنـه لـكن نتنظر نبقه
عـاده الـيـنـتـظر محبوب يتلهف عله الملقه
أبـداً مـا يـنـام الـليل يمهدي الينسلب حقه
جـرح فـرقاك عاشرته...صرخات الجرح سكته
و إنــقــول الــوعــد يــمــتـه
مـن يـوم الـضلع و العين تربي المسجد الكوفه
مـن يـوم الـضـلـع لليوم نسمع ونة الزهره
تـنـادي يا وكت تتطلع يا يمه و خاطري إتجبره
يـا يـمـه إمـن الكسر لليوم هذا اليوم أنتظره
يا يمه إجروحي ما تسكن...و المكسور ضلعه إيون
تــعــال و شــاهــد الـمـحـسـن
مـا ظـل لـلسقيفه أسرار كلها اليوم مكشوفه
أنـا الـمـا بـطـلت وني يبني و تعرف أحزاني
أسـمـع محسن العل الباب و بالطف محسن الثاني
يـسـأل يـا ذنب سويت تعال و حاسب الجاني
واحـد يـوقـع إبـعصره...واحد ينقطع نحره
كــل مــنــهــم إلــه جــمـره
تـعـال و طـالـب إبثارك أدري الثار متعوفه
عـواصـف و البحر هايج يمهدي و مال مركبنه
و إحـنه إبكل مسه و مصباح نندب وين غايبنه
تـره إشـمـا طـالـت الغيبه بعد تكثر مصايبنه
جـبـنـاها ألم و إهموم...و إنقول الفرج يا يوم
عــلـيـك إبـمـنـحـر الـمـظـلـوم
يـبـو الـغـيره و بني هاشم بالكلفات معروفه
تـعـال الـعـمتك زينب تعال و نشف المدمع
يـالـمهدي إعله صدر حسين ليش الشمر يتربع
يـشـتـم فاطمه و حيدر قاصد عمتك تسمع
أسـأل مـا نـفذ صبرك...و دمعة زينب إتخبرك
نـقـلـك عـظـم الله أجــرك
يـمـهدي و شوفتك تدري دوه للعله موصوفه
حسين منجل العكيلي
تعليق