مرثية............ بقلمي

[غسق التميمي]

راحو أخواني ............ولفتْ أحزاني

انه زينب بت علي..... بعد خدري انولي

ولفتْ أحزاني

----------------------

أنه يوم الشفت أخوتي

بالمعاره موزعين

ﮔـمت أندب وين عُودي

حيدره ليث العرين

يشوف عباس ويساره

أﮔـطعوها واليمين

يدرك أيتامه وحريمه

أنسبو بعد الحسين

آه يا زماني...... بحيره خلاني

انه زينب بت علي..... وين يفزعولي هلي

وين ولياني

انه يوم حسين ينادي

بالطفوف وحيدته

صحت وين الحسن وينه ؟

يشوف اخوه بشدته

ضهضب العباس ينادي

يم خيمها سمعته

وحـگ ضلع الزهره امج

الحسن وجبدته

اليوم افنيها....... بعينج تشوفيها

من اطبن هلهلي....... اليوم افنيهم فني

ا لكرار وصاني
-----------------------

حيف ابقى بهلمسية

حايره بالعايله

وحيف راحو كل اخوتي

طاحو بطف كربله

شنهو حالي بغير اخوتي

شحال من يفـﮔـد هله

وشحال من يفـﮔـد عزيزه

هم تضن عمره حله

ليش يتركوني... لوحدي يخلوني

بالنجف عندي ولي .....يجي يحرسني علي

حاشه ينساني

--------------------------------

بقلم " غسق التميمي "

[القران الناطق]

كلمات اكثر من رائعه
موفق بحق محمد وال محمد

[من نسل عبيدك احسبني ياحسين]

أستاذي مأجوروموفق بحق آل محمد.ولاأبعدك الباري عن مكانك .الإ و هي خدمة آل محمد

[غسق التميمي]

أخيتي القرآن الناطق الف شكر للاطراء الجميل

[غسق التميمي]

أيقونة المنتدى وفراشتهِ النشطه الف شكر لتواجد المثابر

[خليل علي الزبيدي]

حفظك الله أخي العزيز غسق التميمي بحق المظلومة الغريبة ووفقك لكل خير .

[الدكتور حسين]

أحسنت وبارك الله فيك يا أستاذي الرائع .

[أنصار المذبوح]

[من نسل عبيدك احسبني ياحسين]

أستاذنا حفظك الباري وأطال بعمرك المبارك

[غسق التميمي]

أستاذنا ابو أمنه الموفق وأياكم من خدام آل محمد وانصار الحسين واخته العقيله ممنونك يا استاذنا الكبير