تويت
تضل مرفوعه هالراية
نضـل للــموت مشــاية
شمادار الزمن بينــــــه
تبقى كـــــــربله الغاية
---------------------------
علــت راياتها البصره
تـﮔـصد كعبتك يحسين
أجتك كلها للنـــــصره
ترويك بدموع العـــين
تحمل بالـﮔـلب جــمره
ما تطفه ليـــــوم الدين
ما نوفي ولا ﮔــــطره
سالت من دمه لحسين
تضل البصره وفــاية
----------------------------
نضل مشــاية يامولاي
حد ما تنـﮔطع الانــفاس
بس أطلب وﮔول الماي
كلنه نــصيرلك عباس
ياراية وترف بسمــاي
وبعلو العرش تنـــقاس
الماحبك ســــفيه الراي
وعنده مشكــله بالساس
خل يبحث بأصل ماية
----------------------------
مشت والكون ويـــاها
بخطاها تــــــهز الكون
ولا فد يــــــوم ننساها
وهي بنـــــص العيـــون
أشوف الزهره تنــعاها
لطم وية اليعــــــــزون
كلمن عـــــرف معناها
مشه ويـــــة اليسيرون
وبأيده ترف رايــــــــة
----------------------------
نمشي لكربله كل عام
وما تبرد عزيــــمتنه
للنجمه رفعــــنا الهام
نبقى احــرار صرختنه
وحـگ الساكنه بالشام
بدربها أتضل مسيرتنه
وحـگ من أسس الاسلام
مـــا تذبل عقيدتنه
وحـگ قرآن الله وكل نبي وآية
------------------------------------------
بقلم "غسق التميمي"
تعليق