يالتـــــزور حـــســــــين...

[القران الناطق]

يالتزور حســـين إصبر لا تزور
إقره ليش حســـين كامت ثورته
حتى من تنزل دمعتك عالحــسين
تعرف شگد الثواب بدمعته
تدري ليش الميت ايعصره القبر؟
وتدري شيصيح القبر في ميّته؟
خاف حابس دمعه في حق الحسين
اليوم تطلع من ظفر سبابته
وحتى تعرف منك شرايد حسين
مو تزوره وإنته جاهل غايته
حسين رايد روح تنهض بالضريح
مو تحط دينار ما هو بحاجته
روح علگ گلبك ابباب الحسين
وشيل كل هذا الذهب من حضرته
حسين ما محتاج عالگبه ذهب
الذهب محتاجه وهو راح الگبته
والناس لو تدري الذهب كصد الحسين
چان ما نصرت يزيد وخانته
وياهو گال الناس فقدت چم حسين
وياهو كَال هوايه وادم تبعته
صاح صوت امن السمه بمقتل حسين
وبعده لسه يصيح محد سكّته
شلون ما نبچي وندگ لاجل الحُسين
وكل سنه بعاشور ننصب مأتمه
انكسر ظهر الكون من طاح الحسين
والجبال من اللطم متثلمه
ولأن ماكو چفوف وتدگ النجوم
تنهدگ عالگاع وترد للسمه
تدري شنهي المعجزه بلطم الحسين؟
ما تموت الناس لو تمطر دمه
ويه كل چف يرتفع يوكَف مَلاك
شما يدگ المحب صدره يقدمه
وعدنا بالدنيا زلم لولا الاملاك
چا صدرها بضربه وحده تهشمه

للشاعر نائل المضفر

[غسق التميمي]

ياحُسين لازال صوتكَ هادراً

[علي حسين الخباز]

بارك عليك هذه القصيدة ففيها البركة والولاء

[أنصار المذبوح]

[خليل علي الزبيدي]

أحسنتم قصيدة رائعة جزاكم الله ألف ألف خير

[ابوعلاء العكيلي]

قصيدة رائعة
احسنت بارك الله فيك وجزيت خيرا