الى بطلة كربلاء شعر

[ضيف]

من نزلـــّت زينب وادي الطف
زينب صعدت أعظم رتبه
ومن صعّدت زينب عالهّزل
نزلت زينب بعظم نكبه
زينب صح احبال ابجفهه
بس كدرت تاريخ اتكتبه
زينب منبر اصبح تلها
وكل كلمه الكالتهه خطبه
زينب موسوعه فقهية
اتّحرم الذل ودمها اتوّجبه
زينب مخلوق أستثنائي
زينب ترفه وزينب صّلبه
زينب سهله عليها الدمعه
بس دمعتها جداً صعبه
زينب ما أدراك أبزينب
العّفه ابزينب متحجبه
زينب مقياس الكل حكمه
وكل مبدأ صارتله نسبه
زينب تكره راس المحني
والراس المرفوع اتحّبه
زينب من اصحاب القائم
لظهوره ظلت مترقبه
زينب بالغربه ويومية
تنخه المهدي وتقرا الندبه








نسآلكم الدعاء
بقلم:حسين طالب السماوي

</i>

[صادق منعم]

السلام على الحسين وعلى علي بن الحسين وعلى أولاد الحسين وعلى أصحاب الحسين
قصائد جميلة بالفعل الله يسلمك

[ضيف]

قصيده جدا جميله
سلمت اناملك المبدعه
واجرك على كفيل زينب