إعـــــــلان

تقليص
لا يوجد إعلان حتى الآن.

زينب ردت أوفي وياج الوعد

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • زينب ردت أوفي وياج الوعد


    الشاعر إيهاب المالكي
    زينب .. ردت أوفي وياج الوعد
    زينب .. بس صوبوا راسي بعمد
    زينب .. ما أقدر أرجع لج بعد... زينب

    صبّرِت دمعة وداعج بابتسامة .. و انتي قلتِ لي ترد لي بالسلامة
    نوح قلبج أشبه بنوح الحمامة .. بالي عفته يمج و يم اليتامى
    أمشي .. و الخطوة بالفرقى ألم
    أمشي .. وعيوني تربي ع الخيم
    أمشي .. و أشتم حنينج عن بعد... زينب

    و الله يا زينب فلا عن بالي رحتي .. حتى من عفتج ورايَ قبالي صرتي
    صوتج بقلبي سمعته باسمي صحتي .. و التفت اعلى الشمس حسبالي انتي
    ناري ... وياج أبرر موقفي
    ناري .. من أذكر اسمج تنطفي
    ناري .. بالفرقى قلبي ما برد... زينب

    انتي صبرج ما أظن يوجد نظيره .. لكن آنا بالقلب خلى لي حيرة
    خايف آنا لو متت ترحين أسيرة .. أخاف واحد يسألج وين العشيرة
    كلمة .. خايف يسمعج العدو
    كلمة .. تتذكرين امن الأخو
    كلمة .. من هايَ جمري ما خمد... زينب

    آنا أخوج الـْ سيفه ما ثنّى لـْ عدوه .. ما ضربت الخايف و ما شفته يسوى
    صاحوا العباس إجانا هذا هوّ .. ع النهر ظلت لي راية للأخوّة
    راية .. بالخوّة بيها ينحلف
    راية .. و تذكريني من ترف
    راية .. أبقى اعلى بالج للأبد... زينب

    آنا نهر العلقمي سويته عِبره .. من وصلته شفته عني عنده فكره
    ودى روجاته لـ ايديّ حتى أعذره .. ما قبلت أخلي منه بيدي قطره
    قطره .. قلت له اعلى شفتي ما تمر
    قطره.. و أهلي العطاشى تنتظر
    قطره. ما ذقته حالف بعهد... زينب

    sigpic
    إحناغيرحسين *ماعدنا وسيلة*
    ولاطبعك بوجهي"بابك إ تسده"
    ياكاظم الغيظ"ويامحمدالجواد "
    لجن أبقه عبدكم وإنتم أسيادي

  • #2
    طيب الله انفاسك واعظم لك الاجر
    احسنت بارك الله فيك وجزيت خيرا
    حسين منجل العكيلي

    تعليق


    • #3
      شكرا أستاذي
      sigpic
      إحناغيرحسين *ماعدنا وسيلة*
      ولاطبعك بوجهي"بابك إ تسده"
      ياكاظم الغيظ"ويامحمدالجواد "
      لجن أبقه عبدكم وإنتم أسيادي

      تعليق


      • #4

        تعليق


        • #5
          وفقك الباري
          sigpic
          إحناغيرحسين *ماعدنا وسيلة*
          ولاطبعك بوجهي"بابك إ تسده"
          ياكاظم الغيظ"ويامحمدالجواد "
          لجن أبقه عبدكم وإنتم أسيادي

          تعليق

          يعمل...
          X