تويت
أجتْ وياها مريم برض الطفوف
تنشد ﮔـبر ابنها الزهـــــــره ودور
من أرض البــــقيع بگلب ملهوف
أجـــتْ ويــــاها تلـــــطم أم البدور
يازينب وين.........أخوج حسين
وينه عباس وينه الحسين
-----------------------------------------
أجيتْ انه ومحمد جدك نزور
نطوف أجسادكم ونشم النحور
أغسلنك يـــــايمه بدمع العيون
وبنوحي عليك الصار كـــافور
أشعلك شمع في عــــالم الكون
وضلعي المنهشم شاعلك بخور
بدموع العين.........ودعت أثنين
وينه عباس وينه الحسين
---------------------------
شنو ذنبك يايمه وليش مذبوح
ياخامس الـــعتره وكـوكب النور
أشوف أنه عزيزي دمه مسفوح
بسيوف الــــحقد من أمة الجور
نزل من القداسه الملك والروح
يــــــاخذ مابذلنه بـــكربله نذور
هالقرابين.......... لله ماشين
وينه عباس وينه الحسين
-----------------------------
صحتْ وينه اليعزيني على حسين
شفتْ شيعتنه مـــدتْ للعزه جسور
يلطمون الصدر والدمعه بــــالعين
حب حسين عــــدهم يغلي ويفور
ﮔـلتْ ربي تقبل هالــــــــــقرابين
حسين الامــامه بحــــقد منــحور
علو الدين......... بدم الوتين
وينه عباس وينه الحسين
-----------------------------
نذر الحسين دمه بخدمة الدين
من شافه أعتلاه الظلم والجور
في أرض المعاره وياه سبعين
يصيرون بـــدماهم حمه والسور
ﮔـال أنـطي أصحابي وكل البنين
بس كونه يضـــل الدين منصور
نحر الحسين.....ودمه الجفين
وينه عباس وينه الحسين
--------------------------------
بقلم "غسق التميمي"
حسين منجل العكيلي
تعليق