رسالة وجدت في جيب احد ابطال العراق

[سيدضرغام ابوزهراء]

نقلاً عن احد الزملاء الاطباء في الطب العدلي في محافظة #الانبار... رسالة وجدت في جيب احد ابطال العراق جنود العراق الاوفياء بعدما اسشهد في احدى الاشتباكات مع تنظيم #داعش الارهابي... يقول فيها مخاطبا اهله..... "السلام عليكم بوية . شلونك ان شاء الله بخير،اني عفتك مريض والتحقت وبقيت ببالي هواي،انت ماتدير بالك على روحك،شلونهه امي سلّم لي عليهه ادري بيهه هم مريضة،بوية باجر ياخذونه للهجوم واني راح استشهد فاريد اوصّيك لان ماعندي بس الله ورسوله واهل البيت وانته وتدري بيه اني مظلوم مثل غيري،اول شي دير بالك على روحك ولاتصير عصبي ادري بيك حارك اعصابك علمودنه،بوية الدنية ماتسوه وانته رجّال جبير ويمكن موتي راح يأثّر عليك فاحلفك بعلي بن ابي طالب لاتنقهر هواي عليّه، واريد اوصّيك هواي بأمّي، تخلص الاربعين اخذهه اشتريلهه عباية جديدة ودشداشة مو سوده خل تفك حزنهه وكلّلهه هاي وصية كريم ومن فلوس كريم مو منّي واذا تحبين كريم ذبّي الاسود لان آني ادري بيهه بقت لابسه أسود جم سنة على جدي الله يرحمه،بويه احلفك بالعباس لاتبسط اخوتي الزغار من يسوون وكاحه همه ماعدهم غير البيت يلعبون بيه، دير بالك على اختي رضية ولاتقهرهه، الولد زوّجهم خاطر تشوف ولدهم وانت عدل الله يطوّل عمرك، بوية ومن تجيكم جثتي، ودوني للجامع، وسلم لي على شيخ كاظم خلي يصلي عليّه ويدعيلي الله يغفر ذنوبي، بوية اني هواي عندي ذنوب، خلّوا جنازتي بجامع الرضا ع ساعتين لاتشيلوهه ، خلوني بالجامع الي طول عمري ماطبيته ولاصليت بيه لان اصحاب السوء اخذوني لغير طريق،خلي الناس تبريني الذمة لان اني مااذيت واحد، سلّم لي على عمامي، عمي صبار زعلان عليّه راضيلياه وبوسلي ايده وكَلّه هاي من كريم...الله وياك بوية وراح انتظرك بالكبر"....

[من نسل عبيدك احسبني ياحسين]

يقشعرلها الجسد.

[شهدعاشقة الحسين]

انا لله وانا اليه راجعون
الله يرحمه ويحسن اليه
الله عظيم عادل ما يظلم عبده
كل واحد ينال جزاءه واحنا شيعة اهل البيت ويانه الحسين ما نخاف الله يلعن الارهاب
ما راح يسكت صوتنا ولا راح ينصه نبقى نصرخ وبعالي الصوت
لبيك يا حســــــــــــــــــــــــين

[سهاد]

انا لله وانا اليه راجعون
الله يرحمه برحمته الواسعه

[ابوعلاء العكيلي]

احسنت
بارك الله فيك وجزيت خيرا

[أنصار المذبوح]

الله يرحمه برحمته الواسعة
هذه الرسالة سوف تتواجد عبر الاجيال
بارك الله فيك

[زهراء الموسوي-]

مؤلم جــــــــــــداً........
إنا لله وإنا اليه راجعون...
نسأل الله أن يتغمده بواســــــــــــع رحمــــــــته