ــــــــــــــــــــــــــــــــــــــــــــــــــ ــــــــــــــــــــــــــ
أنطاك الأله العالي الكوثر == والشانئ ألك هو الشقي الأبتر
مو أبتر يبو الزهره عله شانك == عتره طاهره من فاطمه تكثر
عليك الله يصلي والملايك دوم == يطه المصطفه الهادي الغده الأطهر
يصادق بالوعد دومك وفي أو صادق == عظيمه أخلاقك الطيبه عطر عنبر
نور المصطفه مخلوق بالأكوان == كبل ما ينخلق آدم ضوه أسفر
بكه هالنور بالأصلاب يتنقل == طهرهه الخلقهه ما حوت أكدر
عبد المطلب من صلبه الهادي == طلع للدنيه أوبدره بزغ نور
وبنوره أنطفت نار المجوسيه == أيوان الفرس شرفاته تتفطر
ـــــــــــــ
نعزي حيدره الكرار والعتره == أبفكدك يبو القاسم يبو الزهره
نعزي فاطمه البضعه شفيعتنه == نعزي المجتبه وأحسين والحره
نعزي شيعة الكرار بمصابك == نعزي أمة الاسلام بالعبره
يبو القاسم بعد عينك غدر مرهم == أهل بيتك نسو حكهم نسو أمره
نسو أمره العله أبعرشه اله الكون == من نصب ولي أعليهم علي أبكدره
وصيتك مارعوهه الكوم من وصيت == كتاب الله أو عترتي للخلك مسره
يظلن بالتلازم دوم للمحشر == والتارك أحدهن فاكد الأجره
فدك من فاطمه أخذوهه طمع بيهم == نكرو بيعته حيدر بكه أبصبره
والعتره لفاهه الضيم من عدهم == من يوم السقيفه الماخمد جمره
من كسر الضلع بالباب والأحزان == بكت تنزل على بيت النبي أو تتره
ــــــــــــــــــــــــــــــــــــــــــــــــــ ـــــــــــــــــــــــــــــــ
حسين منجل العكيلي
تعليق