تويت
الشاعر وسام الشويلي
جمرة المصيبه... فاطمه الحبيبه
من بعد أبوها... تنحسب غريبه
بعده حي المصطفه و ما حل غيابه
وبوصيته اختلفوا و رفضوا كتابه
الناس من بعد النبي تسكن بغابه
و الدليل الرايح يصير بغيابه
زمرة الخيانه... تذبح الأمانه
و تنكر الوصيه... بس يحل مغيبه
غمضت عين النبي و أول هضيمه
إتعيش بعده فاطمه مثل اليتيمه
بعده ما مندفن و إتصير الجريمه
تقلب الأحداث الجفوف الأثيمه
ابساعة المنيه... تبتدي الرزيه
باعت الضماير ... هالبشر عجيبه
ناس ما عدها وفه السيد البريه
خوش جازوه إبكسر ضلع الزجيه
دمعة الزهره إبهضم ظلت جريه
لا وصي الحفظوا له حقه و لا وصيه
جمعوا حطبهم... و الغدر طلبهم
فاطمه تنادي... والدي إشيجيبه
من إجو قالوا إلهم بالدار فاطم
جاوبوا نحرق عليها الدار لازم
دفعوا الباب و بدت كل الجرايم
صاب مسمار الحقد ضلع المكارم
لايذه هجسها... إتعمد إبرفسها
طاحت و طفلها... جثته خضيبه
طايحه الزهره و صفت حيرتها حيره
إتصيح وين المصطفه إيعاين وزيره
لا شرف عدهم و لا بالقوم غِيره
علي إيجتفونه و أنا أضلوعي كسيره
تصرخ الحزينه... خلو عن ولينه
راسي لا أكشفه و أندعي كئيبه
مشت خلف المرتضه هي وولدها
رجّعوا قنفذ عليها و سطر خدها
سال دمها و صوتهم ورم زندها
و الحسن مهضوم و يدور ضمدها
ينظر السطرها... يلجم إبكسرها
و اليفسر الجبال ... إبدمعته و نحيبه
القبر أبوها إتوجهت و الدمع هالي
إتقله إقعد شوفه هضمي و شوف حالي
ضلعي و السطره تراويك إشجرالي
راح طفلي و راح يا بويه دلالي
صاحت الوديعه... إبجمرة الفجيعه
جرحي بيش أضمده... و فارقت طبيبه
يا محمد صحبتك تسمع حجيها
فاطمه يقولون ياذينه بجيها
إبنوحها بره المدينه إمطلعيها
قطعوا الشجره القبل تستظل بيها
عالقبر حزينه... للهضم رهينه
دم يهل من العين ... عالخد سجيبه
حسين منجل العكيلي
تعليق