تويت
يكافل حركو اخيامي وفرت بالفله ايـتامي
احاجيك بكلب دامــي تعال وهــــوَََََد آلامي
*************************************
عله كل النـــسه جنت آنه اترأس
الهوه لمن يمرني مـــنه اتحسس
يحسبني هوه ومن عندي يتنفس
لأن جنت بحميتك خويه اتـنومس
هسه انعكست ويايه ودارت بــــيه دنــيايــــه
لمن طاحـــت الرايه انحنيت ونحلت اعضامي
*************************************
رحل بدر الأماني وبلـــــسم اجراحي
رحل شمس الامل واتوفه مصـباحي
رحل عباس اخوي ومصدر اجراحي
وعـــافاني بونيــــني وهمي ونياحي
بعدك ما انـــام الليل اخلصنه ابدمـع وعويل
شوفني جفاك الويل يذخري وخابت احلامي
*************************************
هاي آنـــــه العقــــــيله الماكو امثالي
الشمس حسره عليهه اتشاهد اخيالي
ياهــــو الجان هسه يـــــوكف اكبالي
واســـياط الشــــماته خـــــويه تبرالي
تمنـــــــيتك عدل عباس وتشوف اشعملت الارجاس
يضربوني واصد للراس واضـــــم ابكـــلبي آلامــــي
*************************************
يخويه من غمض جفنك ترده الحال
راس ابن النبي فوك الرمح ينــشال
وآنه اتمحن بعيـــــله وحرم واطفال
صبح حملي ثجيل وماتـحمله اجبال
اجــــــمع بالــــذي يفرون واسكت بالـــذي يبجون
واشاكف بيدي اليضربون واصبر جم طفل ضامي
*************************************
اذا بسمك صــــحت خويه يشتموني
واذا ابجي علــــيكم خويه ضربوني
اكابر واخفي دمعي بطارف اعيوني
اخافن لا شماته بنــــــضره يرموني
آنه اخلافــــك ابحيره من ديره لعد ديره
خوارج يا ابو الغيره كالو نكرو اسلامي
*************************************
يخويه الماجره الواحد جره اعلينه
لــــن شمر الخنه هـــو الي يحدينه
ويزيد الطاغيــــه خويه شمت بينه
ويضرب بالعصه كل روس اهالينه
يخويه اتشمت بـــذلنه ابنص ديوانه كعدنه
صحت جا وينه كافلنه دارت بـــــــيه ايامي
*************************************
تمت والحمد لله
هشام الشيباني
حسين منجل العكيلي
تعليق