الشاعر الأديب الحاج جابر الكاظمي
نـتـأمـل يـومـك يـالـمهدي.... وصوتك ننتظره
يـا ثـار الـزهـره الـمـظـلـومه.... يا ثار الزهره
تــرفــع صــرخــات .... يـالـلـثـارات
مـتـى يـالـواهبك ربك .... شواخص من عزم حيدر
تـشـيـل ابـجـفك الرايه .... وتزيل ابسيفك المنكر
الـروايـة اتـكَـول أنوارك .... من ركن الحجر تظهر
و تـجـر تـرسـانة اجيوشك.... وكتيبة موت تتصدر
وابـذيـج الـسـاعـة الـموعوده.... و الحال اليحزن
تـتـذكّـر كـسـرة ضـلـع أمك.... تتذكّر محسن
و تــدوي الـصـيـحـات .... يـالـلـثـارات
جـهـنم لو خفكَ سيفك.... عله اركَاب العده منذور
تـسـلّـه و تـجـعـل ابجفك .... أفلاك المنايه اتدور
تـصـيـح بصوتك اليرهب.... وين أهل الكفر و الجور
وحـكَ لوعة سكَط محسن .... إوضلع الطاهره المكسور
مـا أتـرك ديّـار إبـداره.... و كـل مـنـزل قـايم
اكَـلـب سـافـلـهـا بـعاليها.... ويسمع كل ظالم
هـاي الأصـوات .... يـالـلـثـارات
اشلون أتناسّه ضلع أمي .... إوهجوم اللي جره اعله الدار
إشـلـون اغـمـد بعد سيفي.... و أنسه نكبة البسمار
مـثـل مـا هجموا و حركَوا .... دار أمي الوديعه ابنار
الـيـوم أحركَ عروش الجور .... إبلهيب الرمح و البتار
آنـه الـمـوعـود و آنـه الـلي.... ضلع أمي اتهشم
هـالـيـوم أجـعل رمحي البرزخ .... و السيف إجهنم
يــنــثــر جــمـرات .... يـالـلـثـارات
تـروح الـوجدك إو حزنك .... يالمهدي إو تصد للباب
تـصـيح إبدمعك اليجري.... إهنا ضلع الوديعه انصاب
و هـنـا طيّحوا محسن .... إو صدر بنت الرسول إنعاب
إو تـرجع للعده ابسيفك.... إو تحصد للأعادي إركَاب
تـصـرخ يـا ضـلـع مـن الزهره.... بالباب اتكسر
و اتـجـدد يـالـمـهـدي إبسيفك.... صفين إو خيبر
إوتــجــذب حــسـرات .... يـالـلـثـارات
لـونّـك تـكَـلب الوسعه .... وتزلزلها ابغضب سيفك
و لـونّـك تـجعل الأجساد.... مرتع و الوحش ضيفك
مـا ظـنّـك يـبـو صـالح .... تشعر حققت طيفك
و لا أظـن مـن أعـاديّـك.... مـاخذ ثارك و حيفك
يـالـمـهـدي و لـو سيفك.... زلزل أركان الوسعه
مـيـعـادل هـالـعـالم قطره.... من ادموع البضعه
اتــصــيـح الـعـبـرات .... يـالـلـثـارات
حسين منجل العكيلي
تعليق