تويت
الشاعر السيد سعد الذبحاوي
أمـا تـدري ... بـمـا يـجـري...فـهل ترضى
عـفـه صـبـرك ... اشـحمل درك ... يمهدينه
بُـطـه أمـرك ... اخـتـفه سرك ... خفه اعلينه
ولـو دهـرك ... حـجـب نـصرك ... يوالينه
فـقُـم و اثـأر ... مـتـى تظهر ... فهل ترضى
جـرح واثـنين ... و تغض العين ... عجيبه اشلون
ضـلـع ضـلعين ... نحر نحرين ... وأكَول اتهون
يـثـار احـسين ... ابركَبتك دين ... يظل مرهون
فـوالـهـفـي ... أمـا يـكـفي... فهل ترضى
ضـلـع أمـك ... تـره ايحشمك ... يراعي الثار
اشـكـبر حلمك ... بكَت يمك ... اشتريد اختار
شفت خصمك ... غصب حكمك ... دريت اشصار
غـدت فـوضـى ... فكم تغضى... فهل ترضى
و ابـو الـيـمـه ... بـكَه ابهمه ... منو اينصره
انـسـفك دمه ... انسلب جسمه ... انكَطع نحره
بـلا رحـمـه ... العده ابنقمه ... اسحكَت صدره
قـضـى غـدرا ... قـضـى صبرا... فهل ترضى
الـعقيلة اتنوح ... ابكَلب مجروح ... مشت للشام
الـجـسم مطروح ... بكَه ابلا روح ... ابو الأيتام
ابـدمع مسفوح ... يسيره اتروح ... ابسبي الظلام
بـنـو الـزهـرا ... غـدوا حيرى... فهل ترضى
مـنـو الـعـدها ... و تشاهدها ... اجت هاليوم
مـنـو ايـردها ... الوطن جدها ... وحيده اتحوم
حـرم عـدهـا ... و تـناشدها ... على المظلوم
دمـاً تـجـري ... عـلـى الـقبرِ ... فهل ترضى
دسـل سـيفك ... و اخذ حيفك ... الك جَم ثار
غـيـابـك طال ... و عليك آمال ... تطفّي النار
يـبـو صـالـح ... الأمر واضح ... تريد أنصصار
فـهـم قـلّـه ... مـن الـمـلّه... فهل ترضى
الـعـتـب يـاذيك ... اشبدينه اعليك ... يغايبنه
نـحـشّـم بـيـك ... ابـلضه إناديك ... تِعذبنه
الـوضـع يـرضـيك ... فلا تخفيك ... مصايبنه
لـك الـشـكوى ... على البلوى... فهل ترضى
حسين منجل العكيلي
تعليق