يـاولـيـدي خـل الماي لا تطلب الماي

[من نسل عبيدك احسبني ياحسين]

الشاعر المرحوم الشيخ كاظم منظور الكربلائي
يـاولـيـدي خـل الماي لا تطلب الماي
كـل خـوفـي مني تروح وتگطع حشاي
دهـري ذبـني عبدالله ياشمعة ضوه عيوني

هاك إخذ ماي العين ....... يابني وسلوتي
خـل أفـرح بدنياي....... وإنت فرحتي
خـل أبتسم وارتاح ....... واشتم وردتي
ردتـك لـيوم الشيب........ وتلم كبرتي
دهـري ذبـني عبدالله يا شمعة ضوه عيوني

بـالگلـب صار رباك....... يامدلل أمك
گلبي المهد وحشاي.......بيه چنت أضمك
كـل غـالي ماغليك....... وحملت همك
من بعد تعبي شلون...... للموت اسلمك

صـدگ يا بعد الروح ..... ما نمت ليلي
ولـو يـمـر بيك الريح ..... يحزن دليلي
ومـن تـربـي تربي وياك.... همتي وحيلي
يـا شـمـعـة الإيـمـان.... يالتضويلي

گلـبـي الـذي ربـاك.... شنيّمه الليل
يـاولـيـدي خليه وياك... يتهادى ويميل
لـو ردت مـنـي تروح.... يتهدم الحيل
ودم نـحـرك المصيوب.... من عيني يسيل

مـرت عـلـيّ سـاعات.... وتحملتها
چانـت تـمـر چالـطيف.... وموالفتها
بـسـوگ الدلال الروح .... لجلك بعتها
يـاوليدي لأجل رباك.... روحي حرگتها

مـحـتـاره بين أثنين.... ودموعي تنصب
ومـن گلـبك المعطوب .... گلبي تعطب
مـا اگدر لـفـرگاك... فرگاك اليصعب
فـراگك يـخـلد نار..... بالگلب تلهب

گلـبـي انـرمى بسهمين.... وتقاسمه الهم
سـهـمك وسهم حسين.... لاچنه أعظم
بـالـتـضـحـيه للدين.... تعلم وأعلم
مـن عـالـم الـتكوين.... أمري وتحتم

[ابوعلاء العكيلي]

السلام عليكم ورحمة الله وبركاته
اختيار موفق......... طيب الله انفاسك واعظم لك الاجر
في ميزان حسناتك

[خليل علي الزبيدي]

والله حق للشعر أن يتباهى بكاظم منظور شاعر مبارك ورائع وقصائد مباركة وعظيمة

وفقكم الله لنشر المزيد

[أنصار المذبوح]

يِعَطُيّكـٌ العإأآفِيـــةْ..
بِإنًتَظِآأإر جّديٍدًكـٌ بكُلٍ شٍوٌقٌِّ..
لآعٍدَمّنآ مجًهِوٌدكـٌ آلِمَتّألِقٌُ..

[من نسل عبيدك احسبني ياحسين]

عليك السلام شكرا أستاذابوعلاء العكيلي

[من نسل عبيدك احسبني ياحسين]

شكراأستاذي ابوامنة

[من نسل عبيدك احسبني ياحسين]

شكرا أنصارالمذبوح