تــــعال وخلنه نگعد انه ويـــاك
وعــــلى ذيج وهذني خلنه نتباصر
بطلت الدمع وعيوني صارن گيض
وعلى هيبة جروحي گمت اتجاسر
أنا أختاريت وأصعبهن سهل صار
ولا أنطيك كلشي واني خـــــاسر
انت الي خسرت ودموعك شهود
انا بسوگ الشماته اليوم تـــــاجر
انا مو ذاك اليتاني يطلع الريش
ربه جنح الصگر وبهيبه طــــاير
انا البارود طبعي بـــــدگة الماو
الك لا تظن راح ابقى ســـــاتر
شكثر صديت عنك سود السهام
وانا بصدري الك نامت خناجر
اجروح البگلبي صارن شعوب
اجروحي الماغفن جوه الاظافر
وخافنك تحن وتجيبك الايـــــام
عذرا يا صديقي گلبي هـــــاجر
بقلم"غسق التميمي"
حسين منجل العكيلي
تعليق