تويت
الشاعر إحسان الصياد الهنداوي
آنـه و إنـت... نـنـعـه فـاطـمة الزجيه
آنـه و إنـت... و بـدمـع هـاي الـمـسيه
و نـذكـر إعـلـيها الجره...هالجليله الطاهره
آنـه و إنـت... نـنـعـه فـاطـمة الزجيه
الـزهره روح النبي الهادي و دوم أظل يفتخر بيها
قـبـس مـن نور الجلاله و يشهد الباري عليها
مـا خـسـر والله اليحبها و لا يخيب الينتخيها
حـب الـزجـيه فاطمه ... باب النجاة الدائمه
و الـنـار ذيـج الـحاطمه ... إموجره لليأذيها
ظـل إسـمـهـا... مـفـخـره الكل البرايه
ظـل إسـمـهـا ... شـمـعه يضوي للهدايه
و بـالـشـدايـد حاضره...هالجليله الطاهره
آنـه و إنـت... نـنـعـه فـاطـمة الزجيه
ويه أبوها الهادي عاشت و قضت وياه جل عمرها
و مـن نـبـع وحي النبوه نورت جذوة فكرها
و خـدمـته تاج الرساله عودها و نور النظرها
من إنفقد سيد البشر... و الحزن حط يمها و حطر
صـوبها من بعده الدهر... و بقت تتسله إبصبرها
الـعـيـن تـهـمـل ... من دمه لجلك نبينه
الـعـيـن تـهـمـل ... تصرخ المختار وينه
و تـبـجـي مـن تتذكره ...هالجليله الطاهره
آنـه و إنـت... نـنـعـه فـاطـمة الزجيه
و حين غمضت عين أبوها عاشت إبلوعه و حزينه
و بـيـت لـلأحزان نصبت تقصده و تنعه نبينه
إتـنـادي مـن بعدك يبويه جارت الدنيه علينه
من رحت يا نور البصر... شفنه الظلم شفنه القهر
جـمـر الـنوايب و الكدر... بالقلب يستعر بينه
يـمـتـه تـحـضـر... تنظر الحالي و تشمني
يـمـتـه تـحضر ... بيويه و الصدرك تضمني
بـعـدك آنـه صـابـره...هـالجليله الطاهره
آنـه و إنـت... نـنـعـه فـاطـمة الزجيه
الـدار جـنت التعتنيها دار أبو الحملات حيدر
جـان نـورك يـشع بيها و بإسمك المهيوب نور
صـار لـلـظـلام غايه و بالغدر هالغايه تظهر
إتعنوا إله و بكل حقد ... و إتعدوا إعله أهل المجد
و إصـلابـهـم ظل بالجبد ... إشما تمر أيام تكبر
عـالـزجـيـه ... إتـعدوا أصحاب السقيفه
عـالـزجـيـه... و صـابـوا الزهره الشريفه
إضـلـوع مـنها إمكسره ...هالجليله الطاهره
آنـه و إنـت... نـنـعـه فـاطـمة الزجيه
مـن أثـر ذيـج الـمـصيبه ظلت الزهره بألمها
و الأجـل هـالـليله جاها و إعتناها و قعد يمها
أخذ روح الزهره لاجن صوت يدوي ظل بإسمها
مـن الحسن تاج الكرم... و حسين عنوان الشيم
و زيـنـب تناديها بألم ... إفراقج بدلالي سهمه
و الـصـمـيـده ... يـنحب و دمعه يسيله
و الـصـمـيـده ... لـلـنعش رايد يشيله
و الأمـلاك الـتـنـظـره...هالجليله الطاهره
آنـه و إنـت... نـنـعـه فـاطـمة الزجيه
الـيـوم و بدمع المصايب نحني الفقد الزهره همنه
إنـواسـي بيت النبي الهادي و أبد ما يبطل ألمنه
نـظـل أنـصـار الـزجيه و بإسمها إنخط إسمنه
عن هالدرب لا ما نزل... و عن حبها أبداً ما نجل
و إمـصـابـها لمن يحل... نحس يالمحجوب يمنه
إنـواسـي شـخـصه ... و بفقد بضعة نبينه
إنـواسـي شـخـصه ... ابهالمسه كلنه إجينه
و الـدمـع مـنـه جـره ...هالجليله الطاهره
آنـه و إنـت... نـنـعـه فـاطـمة الزجيه
حسين منجل العكيلي
تعليق