تويت
الشاعر الأديب الحاج جابر الكاظمي
أين الطالب بدم المقتول بكربلاء
* * *
صارت هاي الامه ابريــــبه تصرخ ومصيبتها امصيـبه
ميعاد الغايب شيجيــــــــــبه يا يوم ايعود من الغـــــــيبه
أين الغائب أين الوارث للأنبياء
أين الطالب بدم المقتول بكربلاء
* * *
يا يوم الغايب يحضـــــــرنه وبشارة خير ايبـــشرنــــــــه
وعن ثار حسين ايخــــبرنه نمسي ونصبح عالهم صرنه
نبكي لمصاب السبط صباحاً ومساء
أين الطالب بدم المقتول بكربلاء
* * *
ما نتحـــمل نار افــــــــراگه يمته اويه الغايب نتـــــلاگه
ليش اتـــــأخر شنهو العاگه ومالوّح صهوة سبــــــــاگه
أين الموعود بمطلعته حان اللقاء
أين الطالب بدم المقتول بكربلاء
* * *
وين الـــــيصعد ظهر الأدهم يگصد للطف ويـــــــــتوزم
من هاي اللوعه وهذا الـهم ثهلان ايمور ويتـــــــــــهدم
أين وليُّ الله وأين باب الرجاء
أين الطالب بدم المقتول بكربلاء
* * *
وين اللي يشحـذ بتــــــــاره ويصرخ بسم حسين وثـاره
وثار أهل البيــــت وأنصاره ايثور اعله الگوم الغـــداره
هذا نحر حسين تجري منه الدماء
أين الطالب بدم المقتول بكربلاء
* * *
وين اليملك شيـمه وهــــمه ايشيل حسين ويدفن جسمه
بالمصرع ما واحد يـــــــمه مذبوح ومخضوب ابدمـــــه
ودماً تبكيه لمقتله عين السماء
أين الطالب بدم المقتول بكربلاء
* * *
وين اليرزم غوجه ويشـرع ويشيل حسين من المصرع
جسمه اعله التربان اموزع وبحد الأشفار امگطـــــــــع
لو نبكيه بدمٍ لا ينفعنا البكاء
أين الطالب بدم المقتول بكربلاء
* * *
وين الملزوم ابعيــــــــــــاله ايلوح الغارب يتعـــــــــناله
ويشوف حسين ابيا حــــاله مسلوب امچفن برمـــــــاله
يومك يومٌ لا يحتمل يا عاشوراء
أين الطالب بدم المقتول بكربلاء
* * *
جسمه بذاري الموت امعفر وبسمر الخطِّيه امشجـــــــر
وين اليتعناله ويحــــــــضر يصرخ يا محزوز المنــــحر
وينادي يا سبط محمد حان العزاء
أين الطالب بدم المقتول بكربــلاء
* * *
وين المذخور اليلفيـــــــــنه وبمصاب حسين ايواسيــنه
يصرخ صرخه بدمعة عيـنه وين الاكبر جاسم ويـــــــنه
أين كفوف البدر تهاوت أين اللواء
أين الطالب بدم المقتول بكربلاء
حسين منجل العكيلي
تعليق