لكل من ينكر مظلومية الزهراء........

[~ أين صاحب يوم الفتح ~]

إذا يقسى القلب ما تجري الدموع
بجفاف النهر شيفر النواعير
والينكر هجوم الطاغي ع الباب
ويكول العصرة قصة من الأساطير
بقبره ينعصر حوبة أبو حسين
وزفير جهنم يكبر تباشير
عمايم ماتحته عقول تنداس
الحمية بهاي مغلوطة المعايير
غيرتهم دياثة قبال أبو حسين
وعلى حساب الضلع صاروا مشاهير
يبو الحملة لنعش فاطم لو يصير
أصابعنه ونكصصها بمناشير
دكهن بالنعش لا تدك بسمار
صارت بينه عقدة من البسامير
شيعت الشمس يا حيدر شلون
آية وعجزت كل التفاسير
أخافن هالوصف أتحاسب عليه
شنهي الشمس خانتني التعابير
فاطم وصتك تدفنها بالليل
وعلى خلاف الوصية شكد محاذير
آسف بو الحسن من شدة النور
بعيني تخربطت كل التصاوير
من يوم الصلاة عليها لليوم
ملائكة السما تأدي التكابير
حي على الصلاة وباقي الاملاك
توكف بالسرة وتنطر طوابير
الله يساعدك من تنظر الباب
جبل انت بوجه كل الأعاصير
بس هالباب هزك جذع مهموم
وعيونك صفت مثل الأغادير
رفعت للجاني من ع الباب بصمات
وعند المهدي محفوظة التقارير
باجر من يصلبه وينتقم ليك
الرجس ماتنفعه هناك المعاذير
بعين المهدي عينك تلتقي وياه
علي يالتعرفك كل المضامير
أنت بفزعتك تتقحم الويل
والينخاك ما يسمع تبارير
لهذا أم الحسن ما تنخت بيك
تدري موصى بعهود التصابير
هذا القدر بس لو كان عباس
جان تغيرت كل المقادير

الشاعر علي السقاي

[ابوعلاء العكيلي]

السلام عليكم ورحمة الله وبركاته
احسنت بارك الله فيك...... واعظم لك الاجر

[من نسل عبيدك احسبني ياحسين]

وفقك الباري

[أنصار المذبوح]

يًعُطٌيًڳّ أِلًفِ أُلًفِ ۶ـأًفُيٌهَ

مًوٌضًوَعً رَأِأٌأِئعً

وِجِهُوًدُ أِرُۇۈۉع

نُنَتُظِرّ مَزِيًدَڳُ

بِشّوُۇۈۉوّقِ

[علي حسين الخباز]

تسلمين اخيتي لهذا الانتقاء الرائع احسنت

[رياحــين مهدويـــة]

اللهم صل على محمد زال محمد

قصيدة راااااااااااااائعـــــــــــــــةةة

سلمت يداك على روعة النقل

بانتظار جديدك اختي العزيزة
ربي يوفقكــ,,

[خليل علي الزبيدي]

وفقكم الله وسدد خطاكم

[نسيم الاباء]

عجيبة الدنيا تعطش وانت يمها
تصلي الغيرة خلفك وانت يمها
الزهرة شلون تنحب وانت يمها
شبعد ذاالنون وشقرب الزكية