| ياعباس ياباب الحوائج | جيتك منسكَم وانتَ المُعالج |
| انحلف حسين بكَلب ام البنين | ومانريد بها القسم إحراجه |
| ولجل عين امك يقدمنه شنريد | بحر يتلاطم يظل بامواجه |
| وانتَ بالزهره نحلفك يالغيور | وننتظر منك قضاء الحاجه |
| منك خير نترجه النتائــــــــج | ياعباس ياباب الحوائــــــــج |
| من عظم جور الدهر والنايبات | آنه متعني ولفيت حدودك |
| حاجه عندي وعد من عندك أريد | وانتَ من طبعك توفي وعودك |
| عذر مامقبول منك يالكفــــــيل | ولاتكَلي مكَطعات زنـــودك |
| وإذا جفينك هوَن فوكَـ التراب | هذا مومعناهه فارغ جودك |
| صيتك بالكرم والجود رايج | ياعباس ياباب الحوائج |
| اليحشمك عندك شهود | رايتك تشهد ويشهد سيفك |
| توكَف بوكت الشدايد وصفوك | وآنه رايد من كرم توصيفك |
| ارد احلفك بالبتــــول وبالحسين | وبخدر زينب وانتَ بكيفك |
| بس اكَلك آنه ضيف ومعتنيك | وماأعلمك شنهو واجب ضيفك |
| منك خير نترجه النتائج | ياعباس ياباب الحوائــــــج |
| أسمعت عنك ياكَمر للحاجه باب | شاع هذا الصيت الك والطاري |
| جيت ياعباس واحسبني يتيم | وانتَ للأيتام دوم تباري |
| انه عطشان وردت يمك أللوذ | وانتَ ياعباس نهرك جاري |
| ماأظن تقبلها من يمك اعود | ضامي وبدلالي تلهب ناري |
| منك خير نترجه النتائج | ياعباس ياباب الحوائج |
| ابقى ياعباس كَاعد بالضريح | ماأعوفك راح اظل متاني |
| المن اتوجه وأكَصد ياإمام | حسين هو حسين الك وداني |
| لاتكَلي المشكله حلها يطول | تره اكَصد زينب بأحزاني |
| وهناك اعاتبها وأكللها الكفيل | بيج احلفه ومنكسر ردانـــــي |
|
|||
حسين منجل العكيلي
تعليق