إعـــــــلان

تقليص
لا يوجد إعلان حتى الآن.

صبر البتول

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • صبر البتول

    (( صبر البتول ))

    ملعون ذاك الي كســر ظلع الزچيه ... ماتنـّسي طول الدهـر هـاي الرزيـــه
    الله واكبـر من هجم عالعيــله للـدار ... ولباب بيت المصطفى وجّرها بالنـــار
    ماتنـّسي طول الدهر هاي الرزيه
    ************
    تنادي الوديعه ... ضيعتنه ضيعه ... يالهـادي بعدك
    حُكم الســقيفه ... نصّـب خـليــفه ... خــالفوا أمـرك
    أول خيــــانه ... بـاع اللإِمـــــانه ... ماحفظ عهـدك
    شب ناره بينه ... إِبحربـه علينه ... من رحل بدرك
    وصيتهم بينه اوكلت حفظوا عترتي ... خلوني بس نوح اوألم تجري عبرتي
    لوتدري بويه إِبغيبتك عدنه شنو الصار ... مارعوا بيك إِمصيبتي أذوني الأشرار
    ماتنـّسي طول الدهر هاي الرزيه
    ************
    يابـويه عُكَبك ... مرمرني خصمك ... ريتك تشوفه
    للدار إِجــاني ... وليــــــــه ولانـي ... شاهر سيوفه
    كالوله بالدار ... بضعة المختــــار ... إِحـذر تطوفه
    مارعه الحجاب ... والحركة الباب ... حشّد صفوفه
    شب بيـّه نيران الحقد ساعة رحيلك ... روعني ياسيد الرُسل جيت اشتكيلك
    ظلّيت اعاني من الهظم والفكر محتار ... من عيني دمع النايبه يجري چالانهار
    ماتنـّسي طول الدهر هاي الرزيه
    ************
    لمّن عصرني ... صـــــوّبه المتني ... ظلعي تهشم
    صوتي تشضّه ... لحكيــــلي فضّه ... محسن تكوّم
    سـائت أحوالي ... علّي جـــــرالي ... عزمي تهدم
    شفت المُصايب ... عُكبــــك يغايب ... ظلّيت بالهم
    محتاره اشدّن ياجرح ظيّعت انه الراي ... دوهني ظيم الفاجعه ولتهبت احشــاي
    هالأمه هتكَوا حُرمتك بعـدك يمختار ... ريتك تشوف الي جره بينه الزمن جار
    ماتنـّسي طول الدهر هاي الرزيه
    ************
    أخـذوا ولينــه ... الكَيــــد بإِدينـه ... بالظُلُم والجور
    لو مالوصيــه ... شــــال الوطيه ... يـدرونه مأمور
    وطلعت انادي ... بلوعة افــادي ... والـدمع منثــور
    خلّولي حيـدر ... لا أدعي أكثر ... واكشف المستور
    وتعثـّر ابطرف الرده أنهض وطيحن ... خلو بن عمي ياخلك بالوعه اصيحن
    ظالم وخـلاني إِبسُكَم يسمع ونيني ... ونـوب أُمر عبــده يــرد يسطرلي عيني
    ماتنـّسي طول الدهر هاي الرزيه
    ************
    مُهجتها صاحت ... للباري ناحت ... تشكيله الاحزان
    الكَـوم امنــعوها ... تنـعي أبـوهـا ... وتبث الاشــجان
    وبكلُب شـــاجر ... منّ النــواظر ... يطفــح البـُـركان
    بوادي النــوايب ... ترثي الحبايب ... بت سيد الأكوان
    ممنوع تبچي عالإِبوه لوتجري عبره ... خلّوها وبحر الشمس تسترها ســدره
    وبخدها دمع النايبه من عدها مدرار ... وشلون عُكَب المصطفى إِعليها الوكت دار
    ماتنـّسي طول الدهر هاي الرزيه
    ************
    نـادت يحيـــدر ... من موتي يحضر ... عندي وصيّه
    أترجّـه بالويـل ... شـــــــيّعني بلليل ... يابو الحميـــه
    ويـزيــــد همي ... لوحضر خصمي ... ذيچ المســــيه
    واجــده إِعليهم ... يشـــــهد نبيـــــهم ... اورب البـريه
    لاتمشي خلف اجنازتي أهل الضغينه ... وماريد تحضر دفنتي الجارت علينه
    للباري تنطي ياسبب شتقدم أعذار ... خليها باچر بالحشــــــــر تتوسد النـــار
    ماتنـّسي طول الدهر هاي الرزيه
    ************
    بقلم / سعد مطلوب الخفاجي
    أنه أبدرب الولايه ... أمير أوبيدي رايه

  • #2
    بحق المظلومةأحفظ الشاعرسعدمطلوب...وحقق إمانيه بحق آل محمد
    sigpic
    إحناغيرحسين *ماعدنا وسيلة*
    ولاطبعك بوجهي"بابك إ تسده"
    ياكاظم الغيظ"ويامحمدالجواد "
    لجن أبقه عبدكم وإنتم أسيادي

    تعليق


    • #3
      السلام عليكم ورحمة الله وبركاته
      الاخ الفاضل سعد مطلوب الخفاجي
      عظم الله لنا ولكم الاجر بذكرى استشهاد سيدتنا الزهراء عليها السلام
      احسنت بارك الله فيك وجزيت خيرا
      حسين منجل العكيلي

      تعليق


      • #4
        جَزآك آلمولٍى خٍيُرٍ " .. آلجزآء .. "
        و ألٍبًسِك لٍبًآسَ
        " آلتًقُوِىَ "وً " آلغفرآنَ "
        وً جَعُلكٍ مِمَنً يٍظَلُهمَ آلله فٍي يٍومَ لآ ظلً إلاٍ ظله .~
        وً عٍمرً آلله قًلٍبًك بآلآيمٍآنَ .~
        علًىَ طرٍحًك آلًمَحِمًلٍ بنًفُحآتٍ إيمآنٍيهً .!

        تعليق


        • #5
          بورك هذا القلم الذي يترجم جميل المعاني لأعظم ولاء

          تعليق


          • #6
            الاخت الكريمه
            من نسل عبيدك احسبني ياحسين
            اختي الكريمه خالص شكري وامتناني على هذا الدعاء المبارك
            ربي يوفقكم ويديم عليكم الصحه والعافيه بحق ام الحسين (ع)
            أنه أبدرب الولايه ... أمير أوبيدي رايه

            تعليق


            • #7
              الاخ الكريم
              ابو علاء العكيلي
              عزيزي الغالي اشكر مرورك النير وكلماتك الرائع شرفتني ياغالي
              خالص امتناني تمنياتي لك بالموفقيه
              أنه أبدرب الولايه ... أمير أوبيدي رايه

              تعليق


              • #8
                الاخت الكريمه
                انصار المذبوح
                اختي الكريمه الله يجازيكم بالخير شرفني مروركم الرائع
                تمنياتي لكم بالموفقيه
                أنه أبدرب الولايه ... أمير أوبيدي رايه

                تعليق


                • #9
                  الاخ الكريم
                  ابو آمنه
                  عزيزي الغالي الله يبارك بيك ويحفظك ويرعاك تشرفت بمرورك الطيب
                  تمنياتي لك بالموفقيه
                  أنه أبدرب الولايه ... أمير أوبيدي رايه

                  تعليق

                  يعمل...
                  X