تويت
الشاعر المرحوم الشيخ كاظم منظور الكربلائي
عـيـنـي..... دخـذي يـزيـنب ماي البعيني
يـختي واذب مجهودي.... عالماي أضحي وجودي
طـلـعـت حورية العصمه امبرگعه بهيبة العصمه
تـصـيـح وين اللي تخالط نور وجهه ونار عزمه
عـلـم وعـلـى العلم نوره يزهر بمشكاة علمه
وين اللي يرد العاطفه... بروحه ويموت على الوفه
عـبـاس بالخوه إكتفه.... وإنطوى التاريخ بسمه
عـونچ عـيـنـاج يـا بـت فـاطمه وعونچ
وانه الوفه مگصودي.... وعالماي أضحي وجودي
عـيـنـي.... دخـذي يـزيـنب ماي البعيني
صـدت عـلى الرايه لاچن روحها بطرف الرايه
تـعـلگت والـروح تـصرخ ها يا خواض المنايه
رايـتـك تـرفـل بـعدها والفراسه من عمايه
شـوصـاك ابويه شوزمك... نهج الكفاله علمك
وراية بيمينك سلمك... وفرض على الرايه السقايه
دونچ يـا مـحـلـه عـمـري الينصرف دونچ
ويا محله گطع زنودي... وعالماي أضحي وجودي
عـيـنـي.... دخـذي يـزيـنب ماي البعيني
صـاحـت ادري بـيك توصل والملازم ما تهمك
وبـيـك لـوهـاجت الهمه فضا العالم ما يلمك
شـماحسبت حساب اشوفك تخبط ويه الماي دمك
ومـاي الـبـعينك ينفصل... يحرم علينه وما يحل
وتگطـع چفـوفـك مثل... جعفر الطيار عمك
عـمـي.... بگطـع الچفـوف إستارثت عمي
والتضحيه من عودي.... وعالماي أضحي وجودي
عـيـنـي... دخـذي يـزيـنـب ماي البعيني
ركـز عـد زيـنـب الرايه ولوجه سكنه تبسم
والـرمـح فـصم عجوده وگطع رچاب المطهم
صـاح اكـف غيم الشريعه لو عليها الجيش غيم
وزيـنب بالخيام تعدي.... وفرت المعصب وتحدي
تـفـعـل يا ضنوة والدي ... وادري بيك مهتم
روحـي.... دمـي الـبجسمي ومهجتي وروحي
تتوزع على حدودي..... وعالماي أضحي وجودي
عـيـنـي.... دخـذي يـزيـنب ماي البعيني
آه يـا سـبع الخيل أدري الخيل ما حلاّو وعددها
وهـاي أيـام ولـيـالـي الـزلم تتراجف بعدها
شـلـون يـغمض جفن منها وإنت متخيل بحدها
ومـن سطوتك متدوهنه... وهاي الحرم مستاطنه
بـفـضلك تنام مأمنه... وإختك إكتملت سعدها
جـنـودي...... سـطوة حيدر بالوفه جنودي
والـغـانمات شهودي.... عالماي أضحي وجودي
عـيـنـي دخـذي يـزيـنـب مـاي البعيني
كـحـلـت عـين الإخوه بشوفة العباس زينب
تـبـادرت نـوريـن من الحاجب ومن المحجب
وبـضـوه الـنورين زهرت كربله وخدر المرتب
زيـنـب بـشمعة فاطمة... زانت مصابيح السمه
وعـباس فتحة مبسمة... طفت نار الضمه التهب
سـيـفـي..... روح الـحـرس متعلگه بسيفي
وروح الفرات بجودي.... عالماي أضحي وجودي
عـيـنـي دخـذي يـزيـنـب مـاي البعيني
حسين منجل العكيلي
تعليق