تويت
القاضي هو :الله جل وعلا,,
المتهمون هم: الشمس والقمر والنجوم,,
المدعي العام: السيدة فاطمة بنت محمد(صلى الله عليه وآله),,
فلتبدأ المحكمـــــــة:::
" إنتصبت بالسماء المحمكة الكبرى والمدعي العام الطاهرة الزهــــــرة
رب الكون قاضي , وبالقفص وقفوا نجوم الــ ــبالسمه , والشمس والقمرة
وبدت أم الحسن تعرض قضيتهم وكل متهم تكشــــــــف تهمته ووزره
يا حضرة القاضي , يا إله الكون يا رب العرش , يا صاحب القدرة ..
نجومك هذي ليلة عاشر بعاشور تمادت , والتمادي مو سهل أمره ..
رجوماً للشياطين إجعلت منهن ترجم بيها كل من يولغ بكفره ..
ما رجمت شياطين الأرض لمن إجوا بسيوفهم , زحفوا على العترة ..
وبعد عندي قضية ثانيه وياها أقصد هـ ـالنجوم الغدت منتشرة ..
تطول ليلها بوقت السمر للناس ليش بسرعه زالت ليلة العشرة ؟!!
لـ ـريحانة حبيبك ما نطت فرصة يودع عيلته الــ ــتتلاوذ بكتره ..
إعرضت ياربي بين إيدك قضيتهن يا من بإيدك يدور العالم بأسره ..
هـ ـالنجمات كل نجمة بصحن جبدي جمرة وقدت , لا بل ألف جمرة ..
أخاطبهن , وأعاتبهن , وأحاسبهن , وأطالبهن ..
وأنت الحاكم أنت الأعلم وأدرى وأنا يا إلهي فاطمة الزهره ..
وأنا يا إلهي فاطمة الزهره ..
وثاني متهم بدر السمه يارب الجناية اللي جناها لـ ــيذبل تصدعه ..
إختفى بليلة الحادي عشر من عاشور لبس ثوب الظلام ومارضى يخلعه ..
ترك هـ ـالدنيا وحشه , ومكدرة , وظلمة ولا دافع عطف عــ ــالعايله يدفعه..
غدت عيله ويتامى تخبط بعشوه إختفى وغاب وتركها بعازة الشمعة ..
تساورها الدياجي وطلعت تدور جثث مو بالدما , بمرجان مترصعه ..
ما شافت أثر منهم تشوف شلون ظلام ولا بدت من هـ ـالقمر طلعه !!
ظلام وغدى الخوف يلوذ خلف الخوف وفزع الخيل . فزعه تعثر بفزعه ..
هذا اللي جناه القمر يا حاكم تمادى ومارحم أيتام منفجعه ..
القمر غرب . ولا حسب . حرم ريّب . مهج عذب ..
إلك أرفع الشكوه , ومطلبي تسمعهوأنت القاضي وأنا فاطمة البضعة
انت القاضي وأنا فاطمة البضعة
وثالث متهم هذي الشمس ياربدعت قلبي بلهيب النوح يتسجر
بنهار العاشر إشتدت حرارتها وصهرت جثث مرهونه بهجير الحر ..
فوق العطش , فوق مناحر الياويل غدت ترسل شرر , بقلوب تتوجر..
ما مرها الحيا ولا خجلت بعاشوروتشوف حسين دامي , معفر , موذر ..
يا حضرة القاضي , الشمس مارحمت يتامى بلفحة البيداء , وهيام البر
ولا رحمت حرم حرقوا مضاربهن نفرت للبوادي من الخيم تسعر ..
شلون إلــهــا وجه هــاي الشمس تطلع ؟!! وتشوف مشلوطات وجوهها الخدّر ..
شلون إلــهــا وجه بادي وتشوف حسين جسمه من حرارة نارها تغير ؟!!
الشمس تصلي , ومهج أهلي , غدت مثلي , بحزن تغلي ..
أنت القاضي أنت الحاكم الأقدروأنا الزهره الوديعة إلـــ حكمك أتنطر
وأنا الزهره الوديعة إلـــ حكمك أتنطر
الدفــــــــــاع//
المتهم الأول النجوم .......
قال القاضي : آنا الخالق الجاعل بميزان العداله الرحمه والنقمه..
عن نفسه الـــ ــيريد يدافع يدافع وإحنا للكلام إنسمعه , ونقيمه ..
النجوم إبتدت صاحت . حضرة القاضي إحنا بالسماء , وشفنا هــ ــالأزمه
شفنا حسين جان يودع عياله وشفنا بجانبه الأطفال ملتمه ..
تكدّرنا إله وسالت محاجرنا من شفنا الغريب وعيلته يمّه ..
تناثرنا حزن وبكل مجرّه نياح وقررنا لــ ــيزيد وعسكره نرجمه ..
لجن يا إلهي رفض هاي حسين قال آنا الذبيح الــ ــيفتدي بدمه ..
أنا اللي منحري يثبّت قوام الدين وأنا اللي غايتي الإصلاح بالأمه ..
وأنا اللي للسيوف يقدم أنصاره وإخوانه , وبنينه وكل بني عمّه ..
وأمرنا نغيب .. قال بسرعه هذا الليل أريده يقضي, وأوفي العهد والذمه ..
النجوم إحنا , على المحنه شكثر نحنا, وغصب رحنا ..
يا حضرة القاضي العادل بحكمه منك نعتذر نجمه بعد نجمه ...
وهم نعتذر من بضعة نبي الرحمة وهم نعتذر من بضعة نبي الرحمة ..
**************************
تقدم يا قمر عن تهمتك دافع وهذي المحكمة تصغي لك وتسمع ..
صاح القمر يا رب .. أنا مو مذنب أنا المظيوم وبثوب الحيا أتلفع ..
إطلعت ليلة الحادي عشر من عاشور وشفت أجساد تضوي وكلمن بمصرع ..
وغبت لمن شفت عبّاس عــ ــالشاطي عقب عبّاس آنا إلــ ــيا داجيه أسطع ؟!!
قمر هاشم أخويه , إعلا النهر ثاوي وأنا ثاني قمر , وبيا وجه أطلع ؟!!
من ثقل النوايب غبت عن دهشه وما فكرت بالأيتام والرضع ..
الحزن ضيق علي صدر السماء الأرحبوقمر هاشم دعاني أسفح المدمع ..
ما عندي عذر للزهرة , يالقاضي غير العطف من الزهرة شتوقع ؟!!
إعلا كل مضرب , بقيت أنحب , العطف يارب, أجل مطلب ..
أقسم على الزهراء بكل جفن يدمع , وبكل جسم دامي , وعــ ــالثرى موزع , تسامحني بقلب من الصبر أوسع..
**********************
بعد دور الشمس هــ ــالدور إلها صار تدافع عن نفسها وتحجي كل مادار ..
تقول آنا إطلعت مزقت ثوب الليل وشفت عسكر بوادي الطف وقف جرار..
وشفت جانب الثاني مخيم وظنيت كعبه , وبجوانبها تطوف أشفار ..
أغيب شلون أغيب ؟!!أرد أنظر الموقف أشوف شراح يحصل , ناطره الأخبار ..
لن أجساد أشوف تهاوت إعلا القاع وطايح بينهم ريحانة المختار ..
الشمس آنا , ونثرت ظفاير همومي لمن شفت راس حسين عــ ــالخطار ..
وشدة هــ ــالحرارة اللي بدت مني حرارة حزن هذي , هذي مو أنوار ..
وآنا بالسماء أصرخ جنت يا حسين وهــ ــالصرخه إرفعتها بألسنه من نار ..
وبعد يارب جنت أنحب , لخدر زينب ....... غديت ألهب ..
أنت القاضي أنت الواحد القهار وللزهرة أقدم صفحة الأعذار
جاء من رب السماء هذا الهاتف والنداء .. لك الحكم يا زهراء..
يا رب العرش يا واهب العصمه أنا فاطمة بضعة نبي الرحمة ..
أم العترة أنا اللي لطف ذاتك جعل هــ ــالعترة رحمه ومخزن الحكمة ..
شلون أحكم على اللي بجوا عــ ــالمظلوم ؟؟براءة إنطيتهم , وأرد أسحب التهمة ..
إنتن يا نجوم الليل , لا تثريب عليجن روحن , إحنا رحمة مو نقمه ..
و أنت يا قمر تبجي لــ ــقمر عدنان ؟!! أدين شلون , وأنت تبرّكت بإسمه ..
وأنتي يا شمس حكم البراءة انطيت .. آنا فاطمة حفاظة الذمه ..
آنا فاطمة وأفطم شيعتي من النار من الباري صبري وحلمي من حلمه ..
آنا سيدة نسوان هــ ــالعالم وأبويه الـ ـنقذ من الجهل هــ ــالأمه ..
أنا ثالث الخمسة الــ ــيزهي بيها اللوح وثالث نور كتبوا عــ ــالعرش إسمه ..
أنا أم الــ ــقطعوا بالمرهف أوصاله أنا أم اللي سبوا من كربلاء عياله ..
الكوثر بينا صفى الباري سلساله وشخص الما يوالينا الظنك حاله ..
ما يحقق إله الكون آماله , ولا يقبل صلاته وصالح أعماله ..
إلا بالصلاة إعلا النبي وآله .... إلا بالصلاة إعلا النبي وآله ....
حسين منجل العكيلي
تعليق