ننتظــرك تجينــه

[الباحث الطائي]

بسم الله الرحمن الرحيم
اللهم صل على محمد وال محمد ، وعجل فرجهم

........ ********** ...........

يظــل اســـــود لبسنــه بكــل زمان ... وننتظــرك يمهدينه بكل مكان يوميه

وتظل دمعتنه علطرف العين مخفيه ... وكل بيت الكم بعاشور يصيرن حسينيه
ونظل نلطم عللصدور اصغار وكبار ... إلحد ما تاخذ بثار الحسين وثار كل ام شيعيه
وتظل مراجعنه تلبس چفن للموت ... وتظل الحضرة والزوار رغم انف ابن تيميه
وخلّـــي تسمــع العالــم وتعرف الاديان ... منهو بگــــد شيعة علي اتحمّل اذيّــه
لكن هيّــــة حســرة وحگ راس الحسين ... تغلـــي بصدورنه وما تنطفي اشويّه
نشـــوف ارگاب شيعتـــك تتگطع بكل يوم ... بأيآدي هذولـــــه الكفـــــار الوهابيه

يا صاحبي اصبر تره ما تگدر تحل القضيه ...لان حلالهة ينتظر اذن رب البريّه
يـوم اليجـــــي يرعــد رعــد إمجيّـه ... والخــوف يمشـي شهـــــر گدامه وحواليّه
ودولة الحق بأذن الله مقدّرة ومقضيه ... بـــس اصبــر يا صاحبــي اشـــوي عليّه

ننتظرك تچينه وبيدك تداوينه ... وبوجهك نشوف وچه الأئمه ونبينه
ننتظـــــرك وســــط الضلم والجور ... ملّــه تكفّــرنه وملّـه تعادينــه
ننتضرك والحلگ مر والدين چمرة نار ... لا وطن آمن بعد ولا وطن بعد يأوينه
وعگب ذيچه المضايف والكرم والخير ... تاليهة شيعتك متفرگه بكل بلد يمهدينه

إلمثـل هذا واكثـر بعد ننتظـــرك تچينــه ... الخاطر محمد جـدّك لا تگطعن بينـه
وتدري انته الكريم صعبه عليه ايعوز ... ياكـل بلحمـه يضـل وما يمــد ايدينـــه

ننتظـــــــــرك يا امـل كـل مظلـــــوم ... ويا اقدس فجــر بنور الله يضــــوّينه
جبريل يبايعك وميكال واسرافيل ... وشيعة علي اصحابك بعد منهو اليلاوينه
عالعـــــرش اسمــك وبشـر كل نبي بيك ... ويكفينه فخر عاصمتك بأراضينه
بالكوفـــة يم النجــف بيتك بصف علي ... وبصفك يصير كل محب يمهدينه
افتخر يا عراق عندك ست أئمّة اطهار ... والسابع المهدي حجّة الله ووالينه
.
.
مع تحياتي
بقلم الباحث الطائي

[ابوعلاء العكيلي]

اللهم صل على محمد وال محمد الطيبين الطاهرين
احسنت بارك الله فيك جزيت خيـــــــــــــــــرا
في ميزان حسناتك

[جهان]

بارك الله فيك اخي الكريم وشكراً لك

[أنصار المذبوح]