تويت
الشاعر الأديب الحاج جابر الكاظمي
يــا گــــلب تصبر چم دوب لو صــخــر هم چان يذوب
يــا گــــلب تصبر چم دوب لو صــخــر هم چان يذوب
مـــن هـــالمـــحـــن والالام لو صـــخـر هم چان يذوب
* * *
يـا گـلب آنــه ام الحســــن واشـكي هموم
داهمـــنــي فگـــد المصـــــطفه بهذا اليوم
وعـــلـــيك اريـــد اعتـــب يگــلبي المالوم
چــــم دوب تـــصـــبر مـــا نـفع بيك اللوم
عـــن كــثر صبرك شنگول لو جـــبـــل هـم چان يزول
ومـــن كـــثر جــــور الايام لو صـــخـر هم چان يذوب
* * *
يـــا گــلب اعــلــم بيك دامـــي ومــجروح
يـــا ســــبب مـــا تـــترك الــوادم وتـروح
اســـكــن البــيده وانجب هـــنـاك ونــــوح
واشـــلــون عـــايش وانـته ما تملك روح
چــــم لــوعه بيك وچم نار عگـــب الـــرسول المختار
صـــوبـــك دهـــرك بـسهام لو صــخــر هم چان يذوب
* * *
يـــا گـــلب بـــعدك صـــابر ومــا مهــــتــم
لـــو حـــجـــر چـــان انــفطر من كثر الهم
ولـــو چــــان صـــبــرك طـــود چان اتهدم
يـــا عـــجــب وانـــته مـــا نشف بيك الدم
يـــا گـــلب مـــنــك مــلـيت ما چـــنـــت اعرفك يا ريت
لفـــراگ ســـيــد الاكــــرام لـــو صخـر هم چان يذوب
* * *
يـــا گـــلب خـــانــت بـــيــك ســـود ايامـك
وفــگـــد النـــبــي خـــيّب الــيــوم احلامك
راح اليــــــخـــفـــف هـــــــمــــك وآلامـــك
بيـــمـــن بـــعـــد تــگـــدر تـــصـد سهامك
راح الـــيـــشد عـزمك راح والـــدمع ما تدري شصاح
اليـــحـــمل مـــرار الظــلام لـــو صـخر هم چان يذوب
* * *
گــبالي شـفـت مـــطروح نعـــش المخـتار
ومـن شــفــته اهجس شبت بروحي النار
وابغيـــبـــته مـــن عــيــني غابت الانـظار
وانـــفــــنت روحـــي وطــاح عامود الدار
مــــن عــگـب نور الاكوان حــرگـــتـــني نـار الاحزان
صـــابـــر شـــهور واعـوام لــو صخــر هم چان يذوب
* * *
نــــار المــــصــــايــــب گــــربــت ميعادي
وصـــوبــني سهــــم الـدهر عگب الهادي
صــوت الـــمـــصايب بســمي صار ينادي
عـــالصبر والهــــم واضــح اســـتــعدادي
مصاب النبي اشلون مصاب والبــــدر عــن عـيني غـاب
ومـــن الـــحزن گلــــبي هام لــــو صــخر هم چان يذوب
حسين منجل العكيلي
تعليق