تويت
الشاعر زيد علي العبندي
مــتــورثــه الأكــدار...مــن ضـلـع أمـي
و أشـبـه عـلـي الـكـرار...إبـهـمـتـي و عـزمي
رغـم الـشـفـتـه...إبـصـبري لزمته...إبهمتي و عزمي
زيـنـب و أصيح اليوم...آنه الحملت إهموم...دهري الرماني
و إتـحـمـلـت آلالام ...تشهد لي الأيام...صبري كفاني
مـن صـبـري ما مليت...و بعزمي إتحديت...غدرت زماني
جـارت عـلـيَّ إعداي...و جمرت هضم دنياي...بين المحاني
دهـري بـداهـا إويـاي...إبـلـوعـه و مـصـايـب
و تـالـي إنـتـهـت دنـيـاي... ضـيـم و نـوايب
دهـري فـجـعـنـي...حـزني صحبني...إبهمتي و عزمي
أول مـصـاب الـصـار...جدي النبي المختار...نوره تغيب
و إنـقلبت الأصحاب...و بعيني شفت الباب... نيرانه تلهب
و أمي الزجيه إتصيح ...تمشي و ترد إتطيح...و أسمعها تنحب
إتـصيح إكسروا ضلعين...و إتنادي حيدر وين...وينه يزينب
مــتــوســد الأعـتـاب...مـحـسـن أنـظـره
خـلـه إبـدلـيـلـي إصـواب... و بـروحـي جـمره
مـحـسـن فـقـدتـه ...دمـعي درفته ...إبهمتي و عزمي
مـظـلـومـه أم حسين...غيبها عنه البين...و عمري تكدر
و صحبتني الأحزان ...و ما غمضت الأجفان ...بهمومي أسهر
و الـنـوب أشـد إمصاب ...راوني داحي الباب...لمن تطبر
و غـاب الأبو الصنديد...صحت العمر شيفيد...بعدك يحيدر
بـغـيـبـة عـلـي الـكـرار ...ظـلـمـه حـيـاتي
و عـشـت إبـقـلـب مـحـتـار ...مـن نـايـبـاتي
إبـحـزنـي و عـويـلـي...سهرانه ليلي...إبهمتي و عزمي
بـعـد امـي و الكرار...هذانه بين أكدار...وحدي و يتيمه
أسهر و أعيد أيام...جانت فرح و أحلام...و صارت هضيمه
و زادت عـلي إجروح...شفت الحسن مطروح ...إبحاله أليمه
راح الـحـسن مظلوم...جبده إنفطر بسموم...جعده اللئيمه
إبـتـشـيـيـعـه قـلـبـي إنضام ...و فكري إبدهشه
شـفـت الـعـده بـسـهـام... تـتـلـقـه نـعشه
كـل سـاعـه نكبه ...و كل ساعه ضربه...إبهمتي و عزمي
و إتـوالـت الآلام...و بـكـربـله الظلام...دارت عليه
و عـيـني تشوف أجساد...من هاشم الأمجاد...فوق الوطيه
شـبل الحسن جسام...و الأكبر علي الضرغام ...ظلوا رميه
و شـفـت الـقـمر ممدود...و إمطبر إبعامود...بالغاضريه
راعـي الـعـلـم و الـجـود... قـطـعـوا يـمـيـنه
كــل الأمـل مـفـقـود ...مـن عـقـب عـيـنـه
إبـهـاي الـمـصـيـبـه ...آنه الغريبه...إبهمتي و عزمي
حسين منجل العكيلي
تعليق